Elordada Elbasy, Nur Otan partiiasynyń tóraǵasy Nursultan Nazarbaev pen Qazaqstan Prezidenti Qasym-Jomart Toqaevtyń qatysýymen partiia saiasi keńesiniń keńeitilgen otyrysy ótti.
Jiynda saiasi keńes biýrosynyń quramyna ózgerister engizildi.
«Buryn aitqanymdai, halyqqa barynsha jaqyn bolý kerek. Sheneýnikke tán sipattan arylǵan jón. Sol sebepti, jastarǵa qoldaý bildirip, ásirese, aýyl jastaryn qolpashtap, intelligentsiiamen turaqty dialogty jolǵa qoiǵan abzal. Sol sebepti, Saiasi keńes Biýrosynyń quramyna ózgeris engizý usynylyp otyr. Máýlen Saǵathanuly Áshimbaev memlekettik qyzmetke ótti. Oǵan sáttilik tilep qoialyq. Baqyt Turlyhanuly Sultanov memlekettik qyzmetke baryp, ministr atandy. Oǵan da rahmet!
Elbasy sózin jalǵastyra kele, Biýro quramynan shyǵyp qalǵan múshelerdiń ornyna «Egemen Qazaqstan» respýblikalyq gazeti» AQ Basqarma tóraǵasy Darhan Qýandyquly Qydyrálini engizýdi usyndy.
«Ol kópke belgili. Gazetti kóterdi. Bizdiń intelligentsiiamen bailanysy myqty. Sonymen birge, «Jas Otan» jastar qanatynyń lideri Dáýlet Káribekti usynamyn. Jastardyń atynan sol sóilesin», - dedi Elbasy.
Qatysýshylar bul sheshimge biraýyzdan qoldaý bildirip, daýys berdi.
