ەلوردادا ەلباسى, Nur Otan پارتيياسىنىڭ تٶراعاسى نۇرسۇلتان نازارباەۆ پەن قازاقستان پرەزيدەنتٸ قاسىم-جومارت توقاەۆتىڭ قاتىسۋىمەن پارتييا ساياسي كەڭەسٸنٸڭ كەڭەيتٸلگەن وتىرىسى ٶتتٸ.
جيىندا ساياسي كەڭەس بيۋروسىنىڭ قۇرامىنا ٶزگەرٸستەر ەنگٸزٸلدٸ.
«بۇرىن ايتقانىمداي, حالىققا بارىنشا جاقىن بولۋ كەرەك. شەنەۋنٸككە تەن سيپاتتان ارىلعان جٶن. سول سەبەپتٸ, جاستارعا قولداۋ بٸلدٸرٸپ, ەسٸرەسە, اۋىل جاستارىن قولپاشتاپ, ينتەلليگەنتسييامەن تۇراقتى ديالوگتى جولعا قويعان ابزال. سول سەبەپتٸ, ساياسي كەڭەس بيۋروسىنىڭ قۇرامىنا ٶزگەرٸس ەنگٸزۋ ۇسىنىلىپ وتىر. مەۋلەن ساعاتحانۇلى ەشٸمباەۆ مەملەكەتتٸك قىزمەتكە ٶتتٸ. وعان سەتتٸلٸك تٸلەپ قويالىق. باقىت تۇرلىحانۇلى سۇلتانوۆ مەملەكەتتٸك قىزمەتكە بارىپ, مينيستر اتاندى. وعان دا راحمەت!
ەلباسى سٶزٸن جالعاستىرا كەلە, بيۋرو قۇرامىنان شىعىپ قالعان مٷشەلەردٸڭ ورنىنا «Egemen Qazaqstan» رەسپۋبليكالىق گازەتٸ» اق باسقارما تٶراعاسى دارحان قۋاندىقۇلى قىدىرەلٸنٸ ەنگٸزۋدٸ ۇسىندى.
«ول كٶپكە بەلگٸلٸ. گازەتتٸ كٶتەردٸ. بٸزدٸڭ ينتەلليگەنتسييامەن بايلانىسى مىقتى. سونىمەن بٸرگە, «Jas Otan» جاستار قاناتىنىڭ ليدەرٸ دەۋلەت كەرٸبەكتٸ ۇسىنامىن. جاستاردىڭ اتىنان سول سٶيلەسٸن», - دەدٸ ەلباسى.
قاتىسۋشىلار بۇل شەشٸمگە بٸراۋىزدان قولداۋ بٸلدٸرٸپ, داۋىس بەردٸ.
