Búgin Senatta Jastar jylyn ótkizý aiasynda turǵan maqsattarǵa arnalǵan dóńgelek ústel otyrysynda QR Qoǵamdyq damý ministri Darhan Káletaev jastarǵa páter berý tártibi pysyqtalyp jatqanyn málim etti, dep habarlaidy QazAqparat.
«Memleket basshysy Astana, Almaty jáne Shymkent qalalarynda jumys isteitin jastarǵa páter salý bastamasyn jasady. Bul turǵyda osy baspanany alatyndar sanaty, parametrler pysyqtalýda. Aqpan aiynyń sońyna qarai Ulttyq ekonomika ministrligimen birlese naqty nátijeni kórsetemiz», - dedi D. Káletaev.
Onyń sózine qaraǵanda, talqylaý barysynda páter alýǵa úmitkerlerdiń jas aralyǵy anyqtalǵan.
«Birinshi parametr boiynsha 29 jasqa deiingi deńgei aiqyndaldy, sebebi zańnamaǵa sáikes, jastar sanaty 29 jasqa deiin belgilengen. Ekinshi parametrge toqtalsaq, jastar mindetti túrde jumys isteýi tiis», - dedi Káletaev.
Onyń aitýynsha, baspananyń tiisti aýdany boiynshe esepteýler júrgizildi.
«Qurylys salý úshin tiptik úilerde baspananyń sharshy metri 40-50 shamasynda josparlanyp otyr. Qazirgi kezde osyndai aýdandaǵy úiler joq, sondyqtan birinshi jylda naryqtan satyp alý sheshimi jasaldy. Osy qalalardyń ákimdikteri páterlerdi naryqtan alady», - dedi ministr.
Budan buryn habarlanǵandai, Jastar jylynyń ashylýyna arnalǵan saltanatty jiynda Memleket basshysy Astana, Almaty jáne Shymkent qalalarynda jastar úshin jylyna 1 myń páter salynatynyn málim etken edi.
