Eks-ministr Darhan Káletaev jańa qyzmetke taǵaiyndaldy, dep habarlaidy "Ult aqparat".
"Qazaqstan Respýblikasynyń Prezidenti N. Nazarbaevpen kelisilgen túrde, QR Úkimetiniń qaýlysymen Darhan Amanuly Káletaev QR Premer-Ministri Keńsesiniń basshysy qyzmetine taǵaiyndaldy" delingen resmi habarlamada.
Aita ketsek, Darhan Káletaev 1972 jyly Shyǵys Qazaqstan oblysynda dúniege kelgen. Shyǵys Qazaqstan memlekettik ýniversitetin «tarih» mamandyǵy boiynsha, Memlekettik basqarý ulttyq joǵary mektebin «memlekettik basqarý menedjeri» mamandyǵy boiynsha támamdaǵan. Saiasi ǵylymdar doktory.
Eńbek jolyn 1995 jyly QR Ministrler Kabinetiniń Tilder komitetiniń mamany retinde bastaǵan. Bilim jáne mádeniet, aqparat jáne qoǵamdyq kelisim ministrlikteriniń qurylymynda jumys istegen.
2001–2002 jyldary Mádeniet jáne qoǵamdyq kelisim ministrliginiń ishki saiasat departamenti direktorynyń orynbasary, keiin Aqparat jáne qoǵamdyq kelisim ministrliginiń jastar saiasaty departamentiniń direktory bolyp jumys istedi.
2002 jyldan bastap — QR Prezidenti Ákimshiliginiń sektor meńgerýshisi, ishki saiasat bóliminiń meńgerýshisi, áleýmettik-saiasi bólim meńgerýshisi, memlekettik baqylaý jáne uiymdastyrý bóliminiń meńgerýshisi qyzmetin atqarǵan.
2007–2008 jyldary — QR Prezidenti Ákimshiligi basshysynyń orynbasary, 2008–2009 jyldary — «Nur Otan» HDP Tóraǵasynyń birinshi orynbasary, 2009–2016 jyldary — «Samuryq-Qazyna» ulttyq ál-aýqat qory» AQ basqarýshy direktory qyzmetterin atqarǵan.
2016 jyldyń qazan aiynda Prezident Jarlyǵymen QR Parlamenti Senatynyń depýtaty bolyp taǵaiyndaldy.
2018 jylǵy sáýirden bastap QR qoǵamdyq damý ministri qyzmetin atqarǵan.
