Dárini shekti baǵadan asyryp satqandarǵa 194 myń teńge aiyppul salynady. Bul týraly QR Sybailas jemqorlyqqa qarsy is-qimyl agenttigi parasat departamentiniń direktory Ǵanijan Asanuly aitty, dep habarlaidy QazAqparat.
«Dáriniń baǵasyn belgilengen shekti baǵasynan asyryp satqany úshin 70 ailyq eseptik kórsetkish nemese 194 460 tg aiyppul túrinde ákimshilik jaýapkershilik qarastyrylǵan. Ókinishke orai, monitoring barysynda barlyq óńirlerde osyndai faktiler anyqtaldy. Máselen, elordalyq dárihanalarda Amlodimed jáne TsEF-3 preparatynyń baǵasy 3,1 ese asyrylyp satylǵan. Aqtóbe, Almaty jáne Shyǵys Qazaqstan oblystarynda suranysqa ie preparattardyń baǵasy shekti qunynan 2 eseden astam joǵary», - dedi ol agenttiktiń baspasóz qyzmeti alańynda ótken brifing barsynda.
Onyń atap ótýinshe, anyqtalǵan kemshilikter boiynsha Ákimshilik quqyq buzý kodeksiniń 426-baby boiynsha 21 ákimshilik hattama toltyrylyp, barlyq tártip buzýshylar aiyppul túrindegi jaýapkershilikke tartyldy.
«Taýarlar men qyzmetterdiń sapasy men qaýipsizdigin baqylaý komitetiniń málimeti boiynsha búkil el boiynsha 65 hattama túzildi», - dedi departament basshysy.
