دەرٸنٸ شەكتٸ باعادان اسىرىپ ساتقاندارعا 194 مىڭ تەڭگە ايىپپۇل سالىنادى. بۇل تۋرالى قر سىبايلاس جەمقورلىققا قارسى ٸس-قيمىل اگەنتتٸگٸ پاراسات دەپارتامەنتٸنٸڭ ديرەكتورى عانيجان اسانۇلى ايتتى, دەپ حابارلايدى قازاقپارات.
«دەرٸنٸڭ باعاسىن بەلگٸلەنگەن شەكتٸ باعاسىنان اسىرىپ ساتقانى ٷشٸن 70 ايلىق ەسەپتٸك كٶرسەتكٸش نەمەسە 194 460 تگ ايىپپۇل تٷرٸندە ەكٸمشٸلٸك جاۋاپكەرشٸلٸك قاراستىرىلعان. ٶكٸنٸشكە وراي, مونيتورينگ بارىسىندا بارلىق ٶڭٸرلەردە وسىنداي فاكتٸلەر انىقتالدى. مەسەلەن, ەلوردالىق دەرٸحانالاردا املوديمەد جەنە تسەف-3 پرەپاراتىنىڭ باعاسى 3,1 ەسە اسىرىلىپ ساتىلعان. اقتٶبە, الماتى جەنە شىعىس قازاقستان وبلىستارىندا سۇرانىسقا يە پرەپاراتتاردىڭ باعاسى شەكتٸ قۇنىنان 2 ەسەدەن استام جوعارى», - دەدٸ ول اگەنتتٸكتٸڭ باسپاسٶز قىزمەتٸ الاڭىندا ٶتكەن بريفينگ بارسىندا.
ونىڭ اتاپ ٶتۋٸنشە, انىقتالعان كەمشٸلٸكتەر بويىنشا ەكٸمشٸلٸك قۇقىق بۇزۋ كودەكسٸنٸڭ 426-بابى بويىنشا 21 ەكٸمشٸلٸك حاتتاما تولتىرىلىپ, بارلىق تەرتٸپ بۇزۋشىلار ايىپپۇل تٷرٸندەگٸ جاۋاپكەرشٸلٸككە تارتىلدى.
«تاۋارلار مەن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ كوميتەتٸنٸڭ مەلٸمەتٸ بويىنشا بٷكٸل ەل بويىنشا 65 حاتتاما تٷزٸلدٸ», - دەدٸ دەپارتامەنت باسشىسى.
