Densaýlyq saqtaý ministri Eljan Birtanov eldegi meditsinalyq maskalar men ózge de qajetti quraldardyń kólemi qansha ekenin aityp berdi, dep habarlaidy QazAqparat.
«Sanitarlyq qyzmetter men meditsinalyq uiymdar úshin maskanyń qosymsha kólemi boiynsha kelisim jasaldy. Bul turǵyda bizde ýaiym joq. Maskalardyń qosymsha kólemi barshylyq. Shikizattyń ózi Qytaida toqylady. Birqatar qytailyq kásiporyn toqtaǵan. QHR-ǵa keibir materialdardy, onyń ishinde jeke qorǵaýǵa arnalǵan materialdardy kirgizýge tyiym salynǵan», - dedi Eljan Birtanov OKQ-da ótken baspasóz máslihatynda.
Ministrdiń aitýynsha, vedomstvo dárihanalardaǵy maskalardyń jetkilikti bolýyn turaqty baqylap otyr.
«Biz jergilikti atqarýshy organdarmen birlesip, dárihanalardaǵy ahýaldy baqylap otyrmyz. Keibir otandyq kásiporyndardyń jaǵdaidy zerttep almai, distribiýterlerden maskany jappai satyp alyp, QHR-ǵa jóneltýine alańdap qalǵan edik. Sebebi Qytaida shynymen de maskaǵa degen suranys joǵary», - dedi ministr.
