دەنساۋلىق ساقتاۋ مينيسترٸ ەلجان بٸرتانوۆ ەلدەگٸ مەديتسينالىق ماسكالار مەن ٶزگە دە قاجەتتٸ قۇرالداردىڭ كٶلەمٸ قانشا ەكەنٸن ايتىپ بەردٸ, دەپ حابارلايدى قازاقپارات.
«سانيتارلىق قىزمەتتەر مەن مەديتسينالىق ۇيىمدار ٷشٸن ماسكانىڭ قوسىمشا كٶلەمٸ بويىنشا كەلٸسٸم جاسالدى. بۇل تۇرعىدا بٸزدە ۋايىم جوق. ماسكالاردىڭ قوسىمشا كٶلەمٸ بارشىلىق. شيكٸزاتتىڭ ٶزٸ قىتايدا توقىلادى. بٸرقاتار قىتايلىق كەسٸپورىن توقتاعان. قحر-عا كەيبٸر ماتەريالداردى, ونىڭ ٸشٸندە جەكە قورعاۋعا ارنالعان ماتەريالداردى كٸرگٸزۋگە تىيىم سالىنعان», - دەدٸ ەلجان بٸرتانوۆ وكق-دا ٶتكەن باسپاسٶز مەسليحاتىندا.
مينيستردٸڭ ايتۋىنشا, ۆەدومستۆو دەرٸحانالارداعى ماسكالاردىڭ جەتكٸلٸكتٸ بولۋىن تۇراقتى باقىلاپ وتىر.
«بٸز جەرگٸلٸكتٸ اتقارۋشى ورگاندارمەن بٸرلەسٸپ, دەرٸحانالارداعى احۋالدى باقىلاپ وتىرمىز. كەيبٸر وتاندىق كەسٸپورىنداردىڭ جاعدايدى زەرتتەپ الماي, ديستريبيۋتەرلەردەن ماسكانى جاپپاي ساتىپ الىپ, قحر-عا جٶنەلتۋٸنە الاڭداپ قالعان ەدٸك. سەبەبٸ قىتايدا شىنىمەن دە ماسكاعا دەگەن سۇرانىس جوعارى», - دەدٸ مينيستر.
