Búgin elordada koronavirýs juqtyrǵany anyqtalǵan patsientterdiń biri meditsina uiymdaryna ózi habarlasqan, dep habarlaidy "Ult aqparat".
Coronavirus2020.kz málimetinshe, koronavirýs juqtyrǵan birinshi patsient 2 naýryz kúni Minsk-Nur-Sultan reisinen túsirilgen. Londonda bir ai oqýda bolǵan azamat elordaǵa kelisimen birden karantindik statsionarǵa oqshaýlanǵan. Qazirgi ýaqytta ol infektsiialyq statsionarda jatyr.
Patsienttiń eshqandai shaǵymy, klinikalyq ózgeristeri joq, dene qyzýy norma sheginde. Naýqaspen jaqyn bailanysta bolǵandardyń barlyǵy infektsiialyq statsonarǵa oqshaýlandy. Qazirgi ýaqytta onymen ushaq bortynda jaqyn bailanysta bolǵandar anyqtalyp jatyr.
Ekinshi patsient áiel - Nur-Sultan qalasynyń turǵyny. Ol 21 naýryzdan bastap dene qyzýynyń kóterilýine orai meditsina mekemelerine ózi habarlasyp, 22 naýryz kúni infektsiialyq statsionarǵa jatqyzylǵan. Zerthanalyq zertteýler júrgizilip, 24 naýryz kúni synama nátijesi patsientte koronavirýstyń bar ekenin anyqtaǵan. Patsienttiń eshqandai shaǵymy, klinikalyq ózgeristeri joq, dene qyzýy norma sheginde. Onymen tyǵyz qarym-qatynasta bolǵandardy anyqtaý júrgizilýde.
Koronavirýs anyqtalǵan 34 patsienttiń 33-iniń densaýlyǵy qanaǵattanarlyq, dene qyzýy norma sheginde. Bir patsienttiń jaǵdaiy turaqty aýyr, dene qyzýy kóterilmegen. Em-dom koronavirýs infektsiiasynyń klinikalyq hattamasyna sáikes júrgizilip jatyr. Qajetti dári-dármek kólemi jetkilikti.
