بٷگٸن ەلوردادا كوروناۆيرۋس جۇقتىرعانى انىقتالعان پاتسيەنتتەردٸڭ بٸرٸ مەديتسينا ۇيىمدارىنا ٶزٸ حابارلاسقان, دەپ حابارلايدى "ۇلت اقپارات".
Coronavirus2020.kz مەلٸمەتٸنشە, كوروناۆيرۋس جۇقتىرعان بٸرٸنشٸ پاتسيەنت 2 ناۋرىز كٷنٸ مينسك-نۇر-سۇلتان رەيسٸنەن تٷسٸرٸلگەن. لوندوندا بٸر اي وقۋدا بولعان ازامات ەلورداعا كەلٸسٸمەن بٸردەن كارانتيندٸك ستاتسيونارعا وقشاۋلانعان. قازٸرگٸ ۋاقىتتا ول ينفەكتسييالىق ستاتسيوناردا جاتىر.
پاتسيەنتتٸڭ ەشقانداي شاعىمى, كلينيكالىق ٶزگەرٸستەرٸ جوق, دەنە قىزۋى نورما شەگٸندە. ناۋقاسپەن جاقىن بايلانىستا بولعانداردىڭ بارلىعى ينفەكتسييالىق ستاتسونارعا وقشاۋلاندى. قازٸرگٸ ۋاقىتتا ونىمەن ۇشاق بورتىندا جاقىن بايلانىستا بولعاندار انىقتالىپ جاتىر.
ەكٸنشٸ پاتسيەنت ەيەل - نۇر-سۇلتان قالاسىنىڭ تۇرعىنى. ول 21 ناۋرىزدان باستاپ دەنە قىزۋىنىڭ كٶتەرٸلۋٸنە وراي مەديتسينا مەكەمەلەرٸنە ٶزٸ حابارلاسىپ, 22 ناۋرىز كٷنٸ ينفەكتسييالىق ستاتسيونارعا جاتقىزىلعان. زەرتحانالىق زەرتتەۋلەر جٷرگٸزٸلٸپ, 24 ناۋرىز كٷنٸ سىناما نەتيجەسٸ پاتسيەنتتە كوروناۆيرۋستىڭ بار ەكەنٸن انىقتاعان. پاتسيەنتتٸڭ ەشقانداي شاعىمى, كلينيكالىق ٶزگەرٸستەرٸ جوق, دەنە قىزۋى نورما شەگٸندە. ونىمەن تىعىز قارىم-قاتىناستا بولعانداردى انىقتاۋ جٷرگٸزٸلۋدە.
كوروناۆيرۋس انىقتالعان 34 پاتسيەنتتٸڭ 33-ٸنٸڭ دەنساۋلىعى قاناعاتتانارلىق, دەنە قىزۋى نورما شەگٸندە. بٸر پاتسيەنتتٸڭ جاعدايى تۇراقتى اۋىر, دەنە قىزۋى كٶتەرٸلمەگەن. ەم-دوم كوروناۆيرۋس ينفەكتسيياسىنىڭ كلينيكالىق حاتتاماسىنا سەيكەس جٷرگٸزٸلٸپ جاتىر. قاجەتتٸ دەرٸ-دەرمەك كٶلەمٸ جەتكٸلٸكتٸ.
