QR Densaýlyq saqtaý vitse-ministri Liýdmila Biýrabekova meditsina qyzmetkerleriniń COVID-19 juqtyrýyna qatysty ahýaldy aityp berdi, dep habarlaidy QazAqparat.
27 sáýirde jariialanǵan Memleket basshysynyń málimdemesinde koronavirýspen aýyrǵan meditsina qyzmetkerlerine qatysty fakti atap ótildi.
Osyǵan bailanysty vitse-ministr Facebook-tegi paraqshasynda koronavirýs infektsiiasymen kúrestiń kezeńderinde jumys isteitin meditsina qyzmetkerlerin indetti juqtyrýdan saqtap qalý úshin barlyq qoldan keletin shara jasalyp jatqanyn atap ótti.
Vitse-ministrdiń aitýynsha, búgingi tańda elimizde meditsina qyzmetkerleri arasynda COVID-19 juqtyrýǵa qatysty 820 jaǵdai tirkelgen.
DDSU-nyń apta saiynǵy esebi boiynsha álemde meditsina qyzmetkerleriniń 16 % paiyzy indetti juqtyrǵan.
Meditsina qyzmetkerleri arasynda COVID-19 jaǵdaiy elimizdiń 16 óńirinde Aqtóbe oblysynan basqalarynda tirkelgen. Meditsina qyzmetkerleri arasynda eń kóp juqtyrǵandar joǵary úlesi Almatyda (54,4 %), Nur-Sultanda (32,5 %), Shymkent qalalarynda (16,0 %), Soltústik Qazaqstan (50,0 %), Almaty (28,8 %), Qaraǵandy (27,5 %), Túrkistan (22,4 %) jáne Atyraý (18,5 %), oblystarynda tirkelgen.
«COVID-19 juqtyrǵandardy emdeýge jáne olardy qaraýǵa tartylmaǵan meditsina qyzmetkerleri arasynda COVID-19 koronavirýsqa shaldyǵý jaǵdaiy kóp tirkelgenin atap ótken jón. Qazirgi tańda naýqastar sany 473 adamǵa jetip otyr (66,2 %). Olardyń basym bóligi Almaty qalasyndaǵy ortalyq qalalyq klinikalyq aýrýhanasynyń qyzmetkerleri. Atalǵan jaǵdai boiynsha, ózderińizge málim, Bas prokýratýramen birlesken qyzmettik tekserý aiaqtalyp keledi jáne osy oqiǵaǵa qatysty meditsina uiymy basshylyǵynyń jaýapkershiligin qosymsha anyqtaimyz», - dep atap ótti L.Biýrabekova.
Sondai-aq, onyń aitýynsha «meditsina qyzmetkerleriniń jumystan tys kúndelikti turmysta birneshe oshaqtan aýrý juqtyryp, infektsiiany keiin meditsina uiymyna ákelgeni» belgili bolǵan. Koronavirýsqa shaldyqqan barlyq meditsina qyzmetkerleri aýrýhanaǵa jatqyzylyp, bekitilgen klinikalyq hattamaǵa sáikes em alyp jatyr.
Mamandar árbir aýrý juqtyrý jaǵdaiyn jiti tekserip, onyń sebebin anyqtaýda.
«Jalpy, meditsina qyzmetkerleriniń infektsiiany juqtyrý jaǵdaiyn taldaý kóptegen meditsina qyzmetkerleriniń koronavirýstyń óte juqpaly ekendigin jetkilikti baǵalamaǵanyn kórsetedi. Sondai-aq, aýrýǵa shaldyqqan naýqastarmen kóbirek qatynasta bolý jáne virýstyń biologiialyq ereksheligine bailanysty turǵyndarǵa qaraǵanda meditsina qyzmetkerleriniń infektsiia juqtyrý qaýpi joǵary», - dep atap ótti vitse-ministr. L.Biýrabekova áriptesteriniń nazaryn qorǵanys kostiýmin durys kiip qana qoimai, olardy sheshý kezinde qaýipsizdik tehnikasy men birizdilikti saqtaý mańyzdy ekenine aýdartty.
«Ýhan ýniversitetiniń Chjýnnan meditsinalyq ortalyǵy dárigerleriniń málimetinshe, emhanada dezinfektsiialyq rejimniń kúsheitilýine qaramastan, qorshaǵan orta obektilerinde virýstyń 17-den den 30 paiyzǵa deiin joǵary taralýy atap ótiledi. Osyǵan bailanysty ainalany dezinfektsiialyq quraldarmen jii súrtip, qoldy barynsha muqiiat jýyp otyrý qajet», - dedi vitse-ministr.
Ol sondai-aq ministrlik meditsinalyq qyzmetkerlerdi profilaktikalyq skrining testiden ótkizý týraly sheshim qabyldaǵanyn atap ótti. 10 sáýirden beri 22 myńnan astam qyzmetkerge test jasaldy (jalpy jospardyń 69 paiyzy).
Bul rette DDSU aýrýdyń klinikalyq belgisi bar meditsinalyq qyzmetkerlerdi testileýge keńes beredi. Mysaly, basqa elderde (Italiia, AQSh, Kanada jáne t.b) testileý aýrý belgisi bolǵan jaǵdaida ǵana júrgiziledi.
«Alaida biz aýrýǵa shaldyqqan, ásirese aýrý belgisi baiqalmaǵan adamdardy ýaqytyly anyqtap, olarǵa meditsinalyq kómek kórsetý, indet oshaqtaryn joiý úshin bul jumysty ary qarai jalǵastyramyz. Sóz sońynda meditsinalyq qyzmetkerlerimizge taǵy aitqym kelip otyr. Ár jerde problemalar bar ekenin túsinemiz, árbir oqiǵa baqylaýymyzda tur, sondyqtan virýs juqtyrýdyń árbir oqiǵasy boiynsha tiisti qorytyndy shyǵarylyp, sharalar qabyldanady», - dep túiindedi sózin L.Biýrabekova.
