قر دەنساۋلىق ساقتاۋ ۆيتسە-مينيسترٸ ليۋدميلا بيۋرابەكوۆا مەديتسينا قىزمەتكەرلەرٸنٸڭ COVID-19 جۇقتىرۋىنا قاتىستى احۋالدى ايتىپ بەردٸ, دەپ حابارلايدى قازاقپارات.
27 سەۋٸردە جارييالانعان مەملەكەت باسشىسىنىڭ مەلٸمدەمەسٸندە كوروناۆيرۋسپەن اۋىرعان مەديتسينا قىزمەتكەرلەرٸنە قاتىستى فاكتٸ اتاپ ٶتٸلدٸ.
وسىعان بايلانىستى ۆيتسە-مينيستر Facebook-تەگٸ پاراقشاسىندا كوروناۆيرۋس ينفەكتسيياسىمەن كٷرەستٸڭ كەزەڭدەرٸندە جۇمىس ٸستەيتٸن مەديتسينا قىزمەتكەرلەرٸن ٸندەتتٸ جۇقتىرۋدان ساقتاپ قالۋ ٷشٸن بارلىق قولدان كەلەتٸن شارا جاسالىپ جاتقانىن اتاپ ٶتتٸ.
ۆيتسە-مينيستردٸڭ ايتۋىنشا, بٷگٸنگٸ تاڭدا ەلٸمٸزدە مەديتسينا قىزمەتكەرلەرٸ اراسىندا COVID-19 جۇقتىرۋعا قاتىستى 820 جاعداي تٸركەلگەن.
ددسۇ-نىڭ اپتا سايىنعى ەسەبٸ بويىنشا ەلەمدە مەديتسينا قىزمەتكەرلەرٸنٸڭ 16 % پايىزى ٸندەتتٸ جۇقتىرعان.
مەديتسينا قىزمەتكەرلەرٸ اراسىندا COVID-19 جاعدايى ەلٸمٸزدٸڭ 16 ٶڭٸرٸندە اقتٶبە وبلىسىنان باسقالارىندا تٸركەلگەن. مەديتسينا قىزمەتكەرلەرٸ اراسىندا ەڭ كٶپ جۇقتىرعاندار جوعارى ٷلەسٸ الماتىدا (54,4 %), نۇر-سۇلتاندا (32,5 %), شىمكەنت قالالارىندا (16,0 %), سولتٷستٸك قازاقستان (50,0 %), الماتى (28,8 %), قاراعاندى (27,5 %), تٷركٸستان (22,4 %) جەنە اتىراۋ (18,5 %), وبلىستارىندا تٸركەلگەن.
«COVID-19 جۇقتىرعانداردى ەمدەۋگە جەنە ولاردى قاراۋعا تارتىلماعان مەديتسينا قىزمەتكەرلەرٸ اراسىندا COVID-19 كوروناۆيرۋسقا شالدىعۋ جاعدايى كٶپ تٸركەلگەنٸن اتاپ ٶتكەن جٶن. قازٸرگٸ تاڭدا ناۋقاستار سانى 473 ادامعا جەتٸپ وتىر (66,2 %). ولاردىڭ باسىم بٶلٸگٸ الماتى قالاسىنداعى ورتالىق قالالىق كلينيكالىق اۋرۋحاناسىنىڭ قىزمەتكەرلەرٸ. اتالعان جاعداي بويىنشا, ٶزدەرٸڭٸزگە مەلٸم, باس پروكۋراتۋرامەن بٸرلەسكەن قىزمەتتٸك تەكسەرۋ اياقتالىپ كەلەدٸ جەنە وسى وقيعاعا قاتىستى مەديتسينا ۇيىمى باسشىلىعىنىڭ جاۋاپكەرشٸلٸگٸن قوسىمشا انىقتايمىز», - دەپ اتاپ ٶتتٸ ل.بيۋرابەكوۆا.
سونداي-اق, ونىڭ ايتۋىنشا «مەديتسينا قىزمەتكەرلەرٸنٸڭ جۇمىستان تىس كٷندەلٸكتٸ تۇرمىستا بٸرنەشە وشاقتان اۋرۋ جۇقتىرىپ, ينفەكتسييانى كەيٸن مەديتسينا ۇيىمىنا ەكەلگەنٸ» بەلگٸلٸ بولعان. كوروناۆيرۋسقا شالدىققان بارلىق مەديتسينا قىزمەتكەرلەرٸ اۋرۋحاناعا جاتقىزىلىپ, بەكٸتٸلگەن كلينيكالىق حاتتاماعا سەيكەس ەم الىپ جاتىر.
ماماندار ەربٸر اۋرۋ جۇقتىرۋ جاعدايىن جٸتٸ تەكسەرٸپ, ونىڭ سەبەبٸن انىقتاۋدا.
«جالپى, مەديتسينا قىزمەتكەرلەرٸنٸڭ ينفەكتسييانى جۇقتىرۋ جاعدايىن تالداۋ كٶپتەگەن مەديتسينا قىزمەتكەرلەرٸنٸڭ كوروناۆيرۋستىڭ ٶتە جۇقپالى ەكەندٸگٸن جەتكٸلٸكتٸ باعالاماعانىن كٶرسەتەدٸ. سونداي-اق, اۋرۋعا شالدىققان ناۋقاستارمەن كٶبٸرەك قاتىناستا بولۋ جەنە ۆيرۋستىڭ بيولوگييالىق ەرەكشەلٸگٸنە بايلانىستى تۇرعىندارعا قاراعاندا مەديتسينا قىزمەتكەرلەرٸنٸڭ ينفەكتسييا جۇقتىرۋ قاۋپٸ جوعارى», - دەپ اتاپ ٶتتٸ ۆيتسە-مينيستر. ل.بيۋرابەكوۆا ەرٸپتەستەرٸنٸڭ نازارىن قورعانىس كوستيۋمٸن دۇرىس كيٸپ قانا قويماي, ولاردى شەشۋ كەزٸندە قاۋٸپسٸزدٸك تەحنيكاسى مەن بٸرٸزدٸلٸكتٸ ساقتاۋ ماڭىزدى ەكەنٸنە اۋدارتتى.
«ۋحان ۋنيۆەرسيتەتٸنٸڭ چجۋننان مەديتسينالىق ورتالىعى دەرٸگەرلەرٸنٸڭ مەلٸمەتٸنشە, ەمحانادا دەزينفەكتسييالىق رەجيمنٸڭ كٷشەيتٸلۋٸنە قاراماستان, قورشاعان ورتا وبەكتٸلەرٸندە ۆيرۋستىڭ 17-دەن دەن 30 پايىزعا دەيٸن جوعارى تارالۋى اتاپ ٶتٸلەدٸ. وسىعان بايلانىستى اينالانى دەزينفەكتسييالىق قۇرالدارمەن جيٸ سٷرتٸپ, قولدى بارىنشا مۇقييات جۋىپ وتىرۋ قاجەت», - دەدٸ ۆيتسە-مينيستر.
ول سونداي-اق مينيسترلٸك مەديتسينالىق قىزمەتكەرلەردٸ پروفيلاكتيكالىق سكرينينگ تەستٸدەن ٶتكٸزۋ تۋرالى شەشٸم قابىلداعانىن اتاپ ٶتتٸ. 10 سەۋٸردەن بەرٸ 22 مىڭنان استام قىزمەتكەرگە تەست جاسالدى (جالپى جوسپاردىڭ 69 پايىزى).
بۇل رەتتە ددسۇ اۋرۋدىڭ كلينيكالىق بەلگٸسٸ بار مەديتسينالىق قىزمەتكەرلەردٸ تەستٸلەۋگە كەڭەس بەرەدٸ. مىسالى, باسقا ەلدەردە (يتالييا, اقش, كانادا جەنە ت.ب) تەستٸلەۋ اۋرۋ بەلگٸسٸ بولعان جاعدايدا عانا جٷرگٸزٸلەدٸ.
«الايدا بٸز اۋرۋعا شالدىققان, ەسٸرەسە اۋرۋ بەلگٸسٸ بايقالماعان ادامداردى ۋاقىتىلى انىقتاپ, ولارعا مەديتسينالىق كٶمەك كٶرسەتۋ, ٸندەت وشاقتارىن جويۋ ٷشٸن بۇل جۇمىستى ارى قاراي جالعاستىرامىز. سٶز سوڭىندا مەديتسينالىق قىزمەتكەرلەرٸمٸزگە تاعى ايتقىم كەلٸپ وتىر. ەر جەردە پروبلەمالار بار ەكەنٸن تٷسٸنەمٸز, ەربٸر وقيعا باقىلاۋىمىزدا تۇر, سوندىقتان ۆيرۋس جۇقتىرۋدىڭ ەربٸر وقيعاسى بويىنشا تيٸستٸ قورىتىندى شىعارىلىپ, شارالار قابىلدانادى», - دەپ تٷيٸندەدٸ سٶزٸن ل.بيۋرابەكوۆا.
