Dárigerlerdiń qamaýǵa alynýyna Almaty politsiia departamentiniń basshysy Serik Kúdebaevtyń qatysy joq. Bul týraly ishki ister ministri Erlan Turǵymbaev málimdedi, dep habarlaidy Sputnik Qazaqstan.
Ministr Almatynyń bas politseiiniń dárigerlerdiń qamaýǵa alynýyna esh qatysy joq ekenin aitty.
"Birinshiden, ishki ister ministrligi de, Serik Kúdebaevtyń uly jumys istegen prokýratýra da tergeýdi júrgizgen joq. Tergeýdi úshinshi organ – ekonomikalyq tergeý qyzmeti júrgizdi. Ministrlik tarapynan eshqandai qysym bolǵan joq. Sheshimdi atalǵan organ ózi qabyldady. Sizder bilesizder, sanktsiiany tek sot beredi", - dedi Turǵymbaev úkimet kýlýarynda.
Vedomstvo basshysy ispen nege ekonomikalyq tergeý qyzmeti ainalysyp jatqanyn túsindirdi.
"Múddeli adamdar nemese qyzmetkerlerdiń basqa organnyń basshysymen týystyq bailanysy bolǵan kezde, úshinshi quqyq qorǵaý organyna berý týraly sheshim qabyldanady. Al bul jaǵdaida mundai organ eknomikalyq tergeý qyzmeti bolyp otyr. Prokýratýra osyndai sheshim qabyldady", - dedi ol.
Almatylyq dárigerlerdiń ustalýy
Jýyrda Almatyda №4 qalalyq klinikalyq aýrýhananyń bas dárigeri Qanat Tezekbaev pen anesteziolog Asqar Tuńǵyshbaev ustalyp, sot sheshimimen eki aiǵa qamaýǵa alynǵan edi.
Dárigerlerge Qylmystyq kodekstiń 317-baby, 3-bóligi "Meditsinalyq nemese farmatsevtikalyq qyzmetkerdiń kásibi mindetterin tiisti deńgeide oryndamaýy" boiynsha aiyp taǵyldy.
Tezekbaevtyń bas dáriger qyzmetinen ýaqytsha shettetilgeni habarlandy.
Almatylyq dárigerlerdiń ustalýy meditsina qyzmetkerleriniń narazylyǵyn týǵyzdy. Bul iske Qazaqstan prezidenti Qasym-Jomart Toqaev ta aralasty.
Eger kiná dáleldense, dárigerler úsh jylǵa deiin belgili bir laýazymdardy atqarý nemese belgili bir qyzmetpen ainalysý quqyǵynan aiyrylyp, bes jylǵa deiin sottalýy múmkin.
Buǵan deiin jelide Tezekbaevtyń ustalýy Nursultan Kúdebaevtyń ólimimen bailanysty bolýy múmkin ekeni jazylǵan hat taraǵan edi. Almaty politsiia departamentiniń basshysy Serik Kúdebaevtyń uly Nursultan Kúdebaev biyl tamyzdyń basynda Almaty oblysynda kvadrotsiklmen jol apatyna túsken bolatyn.
27 tamyzda ol Germaniiadaǵy emhanalardyń birinde kóz jumdy.
