Almatyda dárigerler koronavirýsty patsientterden juqtyrýy múmkin. Bul týraly qalalyq qoǵamdyq densaýlyq saqtaý basqarmasynyń basshysy Tileýhan Ábildaev onlain brifing barysynda aitty, dep habarlaidy QazAqparat.
«Barlyq bailanysta bolǵan adamdarǵa diagnozdaryn anyqtaý boiynsha jumystar júrgizilýde. Virýsty olar patsientterden de juqtyrýy múmkin, óitkeni olar shuǵyl meditsinalyq kómek kórsetýdi jalǵastyryp otyrdy. Olardyń ishinde aýrý belgileri bilinbeitin patsientter de bolýy múmkin», - dedi Tileýhan Ábildaev.
Onyń aitýynsha, qazirgi ýaqytta atalǵan fakti boiynsha epidemiologiialyq tekserý júrgizilip jatyr.
Sonymen qatar, meditsina qyzmetkerlerin tekserip-qaraý boiynsha barlyq sharalar qoldanylyp jatyr.
Barlyq qalalyq klinikalardyń ishinde qyzmetkerlerdi koronavirýsqa mindetti túrde tekserip-qaraýmen epidemiiaǵa qarsy is-sharalar kúsheitildi.
Aita ketý kerek, Almatyda 116 dáriger koronavirýs juqtyrǵanyn munyń aldynda jazǵan bolatynbyz.
