الماتىدا دەرٸگەرلەر كوروناۆيرۋستى پاتسيەنتتەردەن جۇقتىرۋى مٷمكٸن. بۇل تۋرالى قالالىق قوعامدىق دەنساۋلىق ساقتاۋ باسقارماسىنىڭ باسشىسى تٸلەۋحان ەبٸلداەۆ ونلاين بريفينگ بارىسىندا ايتتى, دەپ حابارلايدى قازاقپارات.
«بارلىق بايلانىستا بولعان ادامدارعا دياگنوزدارىن انىقتاۋ بويىنشا جۇمىستار جٷرگٸزٸلۋدە. ۆيرۋستى ولار پاتسيەنتتەردەن دە جۇقتىرۋى مٷمكٸن, ٶيتكەنٸ ولار شۇعىل مەديتسينالىق كٶمەك كٶرسەتۋدٸ جالعاستىرىپ وتىردى. ولاردىڭ ٸشٸندە اۋرۋ بەلگٸلەرٸ بٸلٸنبەيتٸن پاتسيەنتتەر دە بولۋى مٷمكٸن», - دەدٸ تٸلەۋحان ەبٸلداەۆ.
ونىڭ ايتۋىنشا, قازٸرگٸ ۋاقىتتا اتالعان فاكتٸ بويىنشا ەپيدەميولوگييالىق تەكسەرۋ جٷرگٸزٸلٸپ جاتىر.
سونىمەن قاتار, مەديتسينا قىزمەتكەرلەرٸن تەكسەرٸپ-قاراۋ بويىنشا بارلىق شارالار قولدانىلىپ جاتىر.
بارلىق قالالىق كلينيكالاردىڭ ٸشٸندە قىزمەتكەرلەردٸ كوروناۆيرۋسقا مٸندەتتٸ تٷردە تەكسەرٸپ-قاراۋمەن ەپيدەميياعا قارسى ٸس-شارالار كٷشەيتٸلدٸ.
ايتا كەتۋ كەرەك, الماتىدا 116 دەرٸگەر كوروناۆيرۋس جۇقتىرعانىن مۇنىڭ الدىندا جازعان بولاتىنبىز.
