©instagram/ti.pavlo
Pavlodar oblysynyń densaýlyq saqtaý basqarmasy Pavlodar-Qyzylorda tasjolynda bolǵan jantúrshigerlik jol apatynda zardap shekkenderdiń jaǵdaiy týraly aitty, - dep habarlaidy Tengrinews.kz portaly.
Dárigerlerdiń aitýynsha, eki er adam jansaqtaý bóliminde jatyr.
"1979 jáne 2004 jyly týǵan eki er adam Ekibastuz qalalyq aýrýhanasynyń jansaqtaý bólimine jatqyzyldy. Eki naýqas ta ártúrli jaraqat alǵan. Bireýiniń jaǵdaiy óte aýyr, jasandy tynys alý apparatyna qosylǵan", - dedi oblystyq Densaýlyq saqtaý basqarmasy ókilderi.
Sol aýrýhanada travmatologiia bóliminde taǵy eki zardap shegýshi jatyr: 17 jastaǵy bala men 28 jastaǵy er adam. Olardyń jaǵdaiy ortasha aýyr.
Vedomstvonyń baspasóz qyzmeti málimetinshe, jol apatynan alty adam zardap shekken. Olardyń arasynda aýrýhanaǵa jatýdan bas tartqan jigit pen qyz bar.
Eske salaiyq, apat 22 qańtarda keshki ýaqytta bolǵan, onyń videosy jariialandy. Kadrlarda tóńkerilgen kóliktiń mańynda birneshe adam turǵanyn kórýge bolady. Osy kezde olardy asqan jyldamdyqpen jol talǵamaityn kólik qaǵyp ketedi. Soqtyǵysý saldarynan bir adam qaza taýyp, taǵy úsheýi aýrýhanaǵa jetkizilgen.
