Qyzylorda oblystyq densaýlyq saqtaý basqarmasy basshysynyń 2 orynbasary ókpeni jasandy jeldetý apparattaryn 3 ese qymbat baǵaǵa satyp alǵan. Bul týraly QR Sybailas jemqorlyqqa qarsy is-qimyl agenttigi Parasattylyq departamentiniń direktory Ǵanijan Asanuly aitty, dep habarlaidy QazAqparat.
«Búgingi kúni barlyq óńirlerde meditsinalyq tehnikany, onyń ishinde ókpeni jasandy jeldetý apparattaryn satyp alý kezinde sybailas jemqorlyq jaǵdailaryna tekserý júrgizilýde. Qazirgi ýaqytta mundai belgiler birneshe aimaqta anyqtalǵan. Máselen, Qyzylorda oblystyq densaýlyq saqtaý basqarmasy basshysynyń 2 orynbasaryna qatysty árqaisysyn 17,4 million teńgeden 10 ókpeni jasandy jeldetý apparattaryn satyp alý faktisi boiynsha sotqa deiingi tergeý bastaldy. Apparattar «SK-Farmatsiia» usynǵan baǵadan 3 ese joǵary baǵaǵa satyp alynǵan», - dedi ol agenttiktiń baspasóz qyzmeti alańynda ótken brifing barysynda.
Munan bólek, onyń dereginshe, Qostanai oblystyq sybailas jemqorlyqqa qarsy qyzmet oblystyq aýrýhananyń laýazymdy tulǵalaryna qatysty sotqa deiingi tergeýdi bastady.
«Olar meditsinalyq tehnikany jetkizý týraly shartty seriktestikpen jasap, 181 872 000 teńge kólemindegi qarajatty jymqyrýǵa oqtalý kúdigine ilinip otyr», - dedi departament direktory.
