قىزىلوردا وبلىستىق دەنساۋلىق ساقتاۋ باسقارماسى باسشىسىنىڭ 2 ورىنباسارى ٶكپەنٸ جاساندى جەلدەتۋ اپپاراتتارىن 3 ەسە قىمبات باعاعا ساتىپ العان. بۇل تۋرالى قر سىبايلاس جەمقورلىققا قارسى ٸس-قيمىل اگەنتتٸگٸ پاراساتتىلىق دەپارتامەنتٸنٸڭ ديرەكتورى عانيجان اسانۇلى ايتتى, دەپ حابارلايدى قازاقپارات.
«بٷگٸنگٸ كٷنٸ بارلىق ٶڭٸرلەردە مەديتسينالىق تەحنيكانى, ونىڭ ٸشٸندە ٶكپەنٸ جاساندى جەلدەتۋ اپپاراتتارىن ساتىپ الۋ كەزٸندە سىبايلاس جەمقورلىق جاعدايلارىنا تەكسەرۋ جٷرگٸزٸلۋدە. قازٸرگٸ ۋاقىتتا مۇنداي بەلگٸلەر بٸرنەشە ايماقتا انىقتالعان. مەسەلەن, قىزىلوردا وبلىستىق دەنساۋلىق ساقتاۋ باسقارماسى باسشىسىنىڭ 2 ورىنباسارىنا قاتىستى ەرقايسىسىن 17,4 ميلليون تەڭگەدەن 10 ٶكپەنٸ جاساندى جەلدەتۋ اپپاراتتارىن ساتىپ الۋ فاكتٸسٸ بويىنشا سوتقا دەيٸنگٸ تەرگەۋ باستالدى. اپپاراتتار «سك-فارماتسييا» ۇسىنعان باعادان 3 ەسە جوعارى باعاعا ساتىپ الىنعان», - دەدٸ ول اگەنتتٸكتٸڭ باسپاسٶز قىزمەتٸ الاڭىندا ٶتكەن بريفينگ بارىسىندا.
مۇنان بٶلەك, ونىڭ دەرەگٸنشە, قوستاناي وبلىستىق سىبايلاس جەمقورلىققا قارسى قىزمەت وبلىستىق اۋرۋحانانىڭ لاۋازىمدى تۇلعالارىنا قاتىستى سوتقا دەيٸنگٸ تەرگەۋدٸ باستادى.
«ولار مەديتسينالىق تەحنيكانى جەتكٸزۋ تۋرالى شارتتى سەرٸكتەستٸكپەن جاساپ, 181 872 000 تەڭگە كٶلەمٸندەگٸ قاراجاتتى جىمقىرۋعا وقتالۋ كٷدٸگٸنە ٸلٸنٸپ وتىر», - دەدٸ دەپارتامەنت ديرەكتورى.
