Almatydaǵy №2 balalar qalalyq klinikalyq aýrýhanasynda úsh magnit jutyp qoiǵan 5 jastaǵy balaǵa ota sátti jasaldy. Magnitter asqazan-ishek jolynyń ár bóliginde turyp qalyp, bir-birine tartylǵan. Sonyń saldarynan ishek qabyrǵalary zaqymdanǵan, dep habarlaidy ult.kz.
Hirýrgter ashyq ota jasap, úsh magnitti alyp tastap, zaqymdanǵan tinderdi qalpyna keltirdi. Emnen keiin balanyń jaǵdaiy jaqsaryp, aýrýhanadan shyǵarylǵan.
Dárigerler birneshe magnitti qatarynan jutyp qoiý densaýlyqqa asa qaýipti ekenin eskertedi. Sondyqtan mundai jaǵdaida ýaqyt joǵaltpai, dereý dárigerge qaralý kerek.
