Sýret ashyq derekkózden alyndy
Qaraǵandy qalasynyń H.J.Maqajanov atyndaǵy kópsalaly aýrýhananyń dárigerleri Lenin atyndaǵy shahtadaǵy apat kezinde zardap shekken tórt kenshiniń jaǵdaiy jaily aityp berdi, dep habarlaidy QazAqparat.
Olardyń ekeýi «ýly gazben ýlanǵan» degen diagnozben toksikologiia bólimshesinde jatyr. Taǵy ekeýi Shahtinsk qalasynan Qaraǵandydaǵy aýrýhanaǵa sanaviatsiiamen jetkizilip, ota jasaldy. Olarda gazben ýlanýdan bólek bas jaraqattary anyqtaldy.
«Toksikologiia bólimshesindegi patsientterdiń jaǵdaiy turaqty. Belgili bir oń dinamika baiqalady. Sanaviatsiia jelisi boiynsha jetkizilgen jáne operatsiia jasalǵan patsientterdiń jaǵdaiyna keletin bolsaq, búgingi kúni olarda da oń dinamika baiqalady. Olar reanimatsiia bóliminde. Naýqastar esin biledi, ókpeni jasandy jeldetý apparatynan alyndy. Qazirgi ýaqytta jaǵdailary turaqty-aýyr», - dep túsindirdi professor H.J. Maqajanov atyndaǵy kópsalaly aýrýhana direktorynyń meditsinalyq bólim boiynsha orynbasary Talǵat Júken.
Esterińizge sala keteiik, keshe túnde «ArselorMittal Temirtaý» AQ Kómir departamentiniń Lenin atyndaǵy shahtasynda apat bolyp, saldarynan 5 kenshi qaza tapty.
TJ faktisi boiynsha QR QK 277-babynyń 3-bóligi boiynsha qylmystyq is qozǵaldy.
