سۋرەت اشىق دەرەككٶزدەن الىندى
قاراعاندى قالاسىنىڭ ح.ج.ماقاجانوۆ اتىنداعى كٶپسالالى اۋرۋحانانىڭ دەرٸگەرلەرٸ لەنين اتىنداعى شاحتاداعى اپات كەزٸندە زارداپ شەككەن تٶرت كەنشٸنٸڭ جاعدايى جايلى ايتىپ بەردٸ, دەپ حابارلايدى قازاقپارات.
ولاردىڭ ەكەۋٸ «ۋلى گازبەن ۋلانعان» دەگەن دياگنوزبەن توكسيكولوگييا بٶلٸمشەسٸندە جاتىر. تاعى ەكەۋٸ شاحتينسك قالاسىنان قاراعاندىداعى اۋرۋحاناعا ساناۆياتسييامەن جەتكٸزٸلٸپ, وتا جاسالدى. ولاردا گازبەن ۋلانۋدان بٶلەك باس جاراقاتتارى انىقتالدى.
«توكسيكولوگييا بٶلٸمشەسٸندەگٸ پاتسيەنتتەردٸڭ جاعدايى تۇراقتى. بەلگٸلٸ بٸر وڭ ديناميكا بايقالادى. ساناۆياتسييا جەلٸسٸ بويىنشا جەتكٸزٸلگەن جەنە وپەراتسييا جاسالعان پاتسيەنتتەردٸڭ جاعدايىنا كەلەتٸن بولساق, بٷگٸنگٸ كٷنٸ ولاردا دا وڭ ديناميكا بايقالادى. ولار رەانيماتسييا بٶلٸمٸندە. ناۋقاستار ەسٸن بٸلەدٸ, ٶكپەنٸ جاساندى جەلدەتۋ اپپاراتىنان الىندى. قازٸرگٸ ۋاقىتتا جاعدايلارى تۇراقتى-اۋىر», - دەپ تٷسٸندٸردٸ پروفەسسور ح.ج. ماقاجانوۆ اتىنداعى كٶپسالالى اۋرۋحانا ديرەكتورىنىڭ مەديتسينالىق بٶلٸم بويىنشا ورىنباسارى تالعات جٷكەن.
ەستەرٸڭٸزگە سالا كەتەيٸك, كەشە تٷندە «ارسەلورميتتال تەمٸرتاۋ» اق كٶمٸر دەپارتامەنتٸنٸڭ لەنين اتىنداعى شاحتاسىندا اپات بولىپ, سالدارىنان 5 كەنشٸ قازا تاپتى.
تج فاكتٸسٸ بويىنشا قر قك 277-بابىنىڭ 3-بٶلٸگٸ بويىنشا قىلمىستىق ٸس قوزعالدى.
