Koronavirýs juqtyrǵan aqtóbeliktiń jaǵdaiy qanaǵattanarlyq. Ushaq bortynda onyń janynda otyrǵan 4 adam infektsilyq aýrýhanada jatyr, virýs anyqtalmady, dep habarlaidy QazAqparat.
Aqtóbede barlyǵy 67 adam aýrýhanadaǵy karantinde jatyr. Olardyń 10-y infektsiialyq aýrýhanada bolsa, ózgesi arnaiy daiyndalǵan emdeý mekemelerinde.
«Koronavirýs juqtyrǵan naýqastyń jaǵdaiy birqalypty. Onyń janynda bolǵan tórt adam infektsiialyq aýrýhanada jatyr. Sonymen qatar ushaq bortynda bolǵan 33 adam eki apta boiy karantinde bolady, taǵy on kún úiinde baqylaimyz. Oblysta 82 adam úi karantininde. Almaty, Nur-Sultan qalalarynan kelgenderdiń de tizimi bar. Dárigerlerdiń daiyndyǵy pysyqtalǵan. Qazir oblysta 120 jasandy tynys alý apparaty jumys istep tur», - dedi oblystyq densaýlyq saqtaý basqarmasynyń basshysy Áset Qaliev.
Aita keteiik, Aqtóbe oblysy 4,5 million meditsinalyq maskaǵa tapsyrys berdi. Alǵashqy bóligi osy aptada jetkizilip, áleýmetttik jaǵynan osal topqa tegin taratylady.
