كوروناۆيرۋس جۇقتىرعان اقتٶبەلٸكتٸڭ جاعدايى قاناعاتتانارلىق. ۇشاق بورتىندا ونىڭ جانىندا وتىرعان 4 ادام ينفەكتسيلىق اۋرۋحانادا جاتىر, ۆيرۋس انىقتالمادى, دەپ حابارلايدى قازاقپارات.
اقتٶبەدە بارلىعى 67 ادام اۋرۋحاناداعى كارانتيندە جاتىر. ولاردىڭ 10-ى ينفەكتسييالىق اۋرۋحانادا بولسا, ٶزگەسٸ ارنايى دايىندالعان ەمدەۋ مەكەمەلەرٸندە.
«كوروناۆيرۋس جۇقتىرعان ناۋقاستىڭ جاعدايى بٸرقالىپتى. ونىڭ جانىندا بولعان تٶرت ادام ينفەكتسييالىق اۋرۋحانادا جاتىر. سونىمەن قاتار ۇشاق بورتىندا بولعان 33 ادام ەكٸ اپتا بويى كارانتيندە بولادى, تاعى ون كٷن ٷيٸندە باقىلايمىز. وبلىستا 82 ادام ٷي كارانتينٸندە. الماتى, نۇر-سۇلتان قالالارىنان كەلگەندەردٸڭ دە تٸزٸمٸ بار. دەرٸگەرلەردٸڭ دايىندىعى پىسىقتالعان. قازٸر وبلىستا 120 جاساندى تىنىس الۋ اپپاراتى جۇمىس ٸستەپ تۇر», - دەدٸ وبلىستىق دەنساۋلىق ساقتاۋ باسقارماسىنىڭ باسشىسى ەسەت قاليەۆ.
ايتا كەتەيٸك, اقتٶبە وبلىسى 4,5 ميلليون مەديتسينالىق ماسكاعا تاپسىرىس بەردٸ. العاشقى بٶلٸگٸ وسى اپتادا جەتكٸزٸلٸپ, ەلەۋمەتتتٸك جاعىنان وسال توپقا تەگٸن تاراتىلادى.
