Foto: @hightech.fm
Meditsinalyq saqtandyrý qorynyń esebinen ólgen adamdardy "emdeý" jaǵdailary anyqtaldy. Bul týraly uiymnyń basqarma tóraǵasynyń orynbasary Iliias Muhamedjan málimdedi, dep habarlaidy Sputnik Qazaqstan.
Biyl alty aidyń ishinde 8,8 mlrd teńgege tártip buzýshylyq anyqtaldy. Aýrýhanalar men emhanalar meditsinalyq qyzmetterdiń baǵasyn artyǵymen kórsetedi, ia bolmasa, sapasy tómen qyzmetti qymbattatyp qoiady. Osyndai jolmen saqtandyrý qorynan qyrýar qarjy alady. Budan bólek, patsientter men qyzmetterdiń sanyn kóbeitip jazý jaǵdailary az emes.
"Máselen bir adamnyń 52 tisin bir kúnniń ishinde emdegen. Al keibir meditsinalyq ońaltý uiymdarynda bir maman aiyna 1600 ret qyzmet kórsetken. Al 20 jumys kúnin jáne 8 saǵattyq ýaqytty eskersek, 80 protsedýra jasaý úshin ondai mamanǵa kem degende 40 saǵat kerek", - dedi Muhamedjan ortalyq kommýnkatsiialar qyzmetinde ótken brifingte.
Budan bólek, naýqas statsionarda jatqan ýaqytta emhanada oǵan diagnostikalyq qyzmet kórsetilgeni týraly málimet engiziledi. Sol úshin meditsinalyq qordan aqsha aýdarýdy suraidy.
"Rezonans týǵyzǵan oqiǵalar da bar. Máselen, ólgen adamdarǵa dári-dármek jazylyp, meditsinalyq saqtandyrý qory aiasynda qyzmet kórsetilip jatady", - dep atap ótti Muhamedjan.
Onyń aitýynsha, dárigerler qordan aqshany kóbirek alý úshin jedel járdemdi de paidalanady. Biyl ondai qyzmetke 37 milliard teńge bólindi. Al shyn máninde ol adamdardy emhanada qaraýǵa bolatyn edi.
