فوتو: @hightech.fm
مەديتسينالىق ساقتاندىرۋ قورىنىڭ ەسەبٸنەن ٶلگەن ادامداردى "ەمدەۋ" جاعدايلارى انىقتالدى. بۇل تۋرالى ۇيىمنىڭ باسقارما تٶراعاسىنىڭ ورىنباسارى ٸليياس مۇحامەدجان مەلٸمدەدٸ, دەپ حابارلايدى Sputnik قازاقستان.
بيىل التى ايدىڭ ٸشٸندە 8,8 ملرد تەڭگەگە تەرتٸپ بۇزۋشىلىق انىقتالدى. اۋرۋحانالار مەن ەمحانالار مەديتسينالىق قىزمەتتەردٸڭ باعاسىن ارتىعىمەن كٶرسەتەدٸ, يا بولماسا, ساپاسى تٶمەن قىزمەتتٸ قىمباتتاتىپ قويادى. وسىنداي جولمەن ساقتاندىرۋ قورىنان قىرۋار قارجى الادى. بۇدان بٶلەك, پاتسيەنتتەر مەن قىزمەتتەردٸڭ سانىن كٶبەيتٸپ جازۋ جاعدايلارى از ەمەس.
"مەسەلەن بٸر ادامنىڭ 52 تٸسٸن بٸر كٷننٸڭ ٸشٸندە ەمدەگەن. ال كەيبٸر مەديتسينالىق وڭالتۋ ۇيىمدارىندا بٸر مامان ايىنا 1600 رەت قىزمەت كٶرسەتكەن. ال 20 جۇمىس كٷنٸن جەنە 8 ساعاتتىق ۋاقىتتى ەسكەرسەك, 80 پروتسەدۋرا جاساۋ ٷشٸن ونداي مامانعا كەم دەگەندە 40 ساعات كەرەك", - دەدٸ مۇحامەدجان ورتالىق كوممۋنكاتسييالار قىزمەتٸندە ٶتكەن بريفينگتە.
بۇدان بٶلەك, ناۋقاس ستاتسيوناردا جاتقان ۋاقىتتا ەمحانادا وعان دياگنوستيكالىق قىزمەت كٶرسەتٸلگەنٸ تۋرالى مەلٸمەت ەنگٸزٸلەدٸ. سول ٷشٸن مەديتسينالىق قوردان اقشا اۋدارۋدى سۇرايدى.
"رەزونانس تۋعىزعان وقيعالار دا بار. مەسەلەن, ٶلگەن ادامدارعا دەرٸ-دەرمەك جازىلىپ, مەديتسينالىق ساقتاندىرۋ قورى اياسىندا قىزمەت كٶرسەتٸلٸپ جاتادى", - دەپ اتاپ ٶتتٸ مۇحامەدجان.
ونىڭ ايتۋىنشا, دەرٸگەرلەر قوردان اقشانى كٶبٸرەك الۋ ٷشٸن جەدەل جەردەمدٸ دە پايدالانادى. بيىل ونداي قىزمەتكە 37 ميلليارد تەڭگە بٶلٸندٸ. ال شىن مەنٸندە ول ادامداردى ەمحانادا قاراۋعا بولاتىن ەدٸ.
