«Singer 2017» baiqaýynyń segizinshi kezeńinde óner kórseter aldynda Dimash Qudaibergen tamaǵy qatty aýyryp, dárigerler kómegine júgingen, dep habarlaidy QazAqparat.
Sina weibo áleýmettik jelisinde Dimashtyń dárigerge kóringen videosy jariialandy. Odan Dimashtyń óner kórsetýden bir kún buryn salqyn tiip, daýysy shyqpai qalǵanyn baiqaýǵa bolady. Ózi Dimashtyń jankúieri bolyp tabylatynyn aitqan dáriger, oǵan tolyq jazylǵanǵa deiin joǵary daýysta án salmaýǵa keńes berdi.
Qazaqstandyq ánshi baiqaýdyń segizinshi kezeńine tamaǵyna aýyrsynýdy basatyn dári egip, sahnaǵa shyqqanyn budan buryn habarlaǵan bolatynbyz. Al jobaǵa qatysýshy ánshiler Dimashqa qoldaý kórsetip, syrqatqa q qymbat dáriler ákelip bergen.
Eske sala keteiik, Dimash qytaisha «Tań atty» ánin shyrqaǵan segizinshi kezeń efirden 11 naýryz kúni kórsetildi. Otandasymyz toǵyzynshy kezeńde álemdik hit «All by Myself» ánin aityp, ekinshi orynnan kórindi. Bul kezeń qytailyq telearnalardan 18 naýryz kúni kórsetiletin bolady.
