Almatyda koronavirýs juqtyrǵan 2 naýqas pen 1 balanyń densaýlyǵy orta aýyrlyq jaǵdaiynda. Bul týraly Almatyda qalalyq qoǵamdyq densaýlyq saqtaý basqarmasynyń basshysy Tileýhan Ábildaev aitty, dep habarlaidy "Ult aqparat".
«Almaty qalasynda koronavirýs juqtyrǵan taǵy eki adam tirkeldi. Eki patsient buǵan deiin osy indetti juqtyrǵan jandarmen bailanysta bolǵan. Olardyń barlyǵy statsionarda karantinde jatty. Koronavirýs infektsiiasyn anyqtaý jáne emdeý hattamasyna sáikes, em-dom sharalary bastaldy. Eki patsienttiń de jaǵdaiy qanaǵattanarlyq», - dedi ol «Habar 24» telearnasynyń tikelei efirinen.
Onyń dereginshe, búgingi tańda qalalyq juqpaly aýrýlar aýrýhanasynda 22, al balalar juqpaly aýrýlar aýhanasynda 2 bala jáne aýrý juqtyrǵan bir ana bar.
«Qazir eki naýqastyń jáne 1 balanyń densaýlyǵy orta aýyrlyq jaǵdaiynda. Qalǵan patsientterdiń densaýlyǵy qanaǵattanarlyq. Búginde qalanyń provizorlyq gospitalderinde karantinde 660, úi karantininde 1 462 adam, qosymsha karantindik statsionarlarda 778 adam bar. Karantinge oqshaýlanǵan barlyq azamattyń dene qyzýy qalypty jaǵdaida, kataraldyq aýytqýlar joq», - dedi Tileýhan Ábildaev.
