Almaty qalalyq ortalyq klinikalyq aýrýhanasynyń dárigerleri 9-qabattan qulap, aýyr jaǵdaida túsken 17 jastaǵy qyzdyń ómirin saqtap qaldy, dep habarlaidy ult.kz.
Naýqas aýrýhanaǵa asa aýyr jaǵdaida jetkizildi. Oǵan II dárejeli koma, travmalyq jáne gemorragiialyq shok, aiaq-qoldardyń, omyrtqa men jambastyń kóptegen synyqtary, sondai-aq keýde qýysynyń aýyr jaraqaty diagnozy qoiyldy. Eń kúrdeli zaqymdardyń biri diafragmanyń jyrtylýy boldy. Sonyń saldarynan asqazan, kókbaýyr jáne ishektiń bir bóligi keýde qýysyna yǵysqan.
Hirýrgter shuǵyl túrde kúrdeli ota jasap, barlyq aýyr zaqymdardy qalpyna keltirip, naýqastyń jaǵdaiyn turaqtandyrdy. Otadan keiin qyz 12 táýlik boiy jansaqtaý bóliminde em qabyldady.
Keiin oǵan súiek pen býyndy qalpyna keltirýge baǵyttalǵan taǵy tórt ota jasaldy. Jalpy emdeý kýrsy 58 kúnge sozyldy.
Reanimatologtar, hirýrgter, travmatologtar jáne meditsina qyzmetkerleriniń úilesimdi jumysynyń arqasynda naýqastyń ómirin saqtap qalý múmkin boldy. Qazirgi ýaqytta qyz aýrýhanadan shyǵarylyp, ońaltý kýrsynan ótýde.
