الماتى قالالىق ورتالىق كلينيكالىق اۋرۋحاناسىنىڭ دەرٸگەرلەرٸ 9-قاباتتان قۇلاپ, اۋىر جاعدايدا تٷسكەن 17 جاستاعى قىزدىڭ ٶمٸرٸن ساقتاپ قالدى, دەپ حابارلايدى ult.kz.
ناۋقاس اۋرۋحاناعا اسا اۋىر جاعدايدا جەتكٸزٸلدٸ. وعان II دەرەجەلٸ كوما, تراۆمالىق جەنە گەمورراگييالىق شوك, اياق-قولداردىڭ, ومىرتقا مەن جامباستىڭ كٶپتەگەن سىنىقتارى, سونداي-اق كەۋدە قۋىسىنىڭ اۋىر جاراقاتى دياگنوزى قويىلدى. ەڭ كٷردەلٸ زاقىمداردىڭ بٸرٸ ديافراگمانىڭ جىرتىلۋى بولدى. سونىڭ سالدارىنان اسقازان, كٶكباۋىر جەنە ٸشەكتٸڭ بٸر بٶلٸگٸ كەۋدە قۋىسىنا ىعىسقان.
حيرۋرگتەر شۇعىل تٷردە كٷردەلٸ وتا جاساپ, بارلىق اۋىر زاقىمداردى قالپىنا كەلتٸرٸپ, ناۋقاستىڭ جاعدايىن تۇراقتاندىردى. وتادان كەيٸن قىز 12 تەۋلٸك بويى جانساقتاۋ بٶلٸمٸندە ەم قابىلدادى.
كەيٸن وعان سٷيەك پەن بۋىندى قالپىنا كەلتٸرۋگە باعىتتالعان تاعى تٶرت وتا جاسالدى. جالپى ەمدەۋ كۋرسى 58 كٷنگە سوزىلدى.
رەانيماتولوگتار, حيرۋرگتەر, تراۆماتولوگتار جەنە مەديتسينا قىزمەتكەرلەرٸنٸڭ ٷيلەسٸمدٸ جۇمىسىنىڭ ارقاسىندا ناۋقاستىڭ ٶمٸرٸن ساقتاپ قالۋ مٷمكٸن بولدى. قازٸرگٸ ۋاقىتتا قىز اۋرۋحانادان شىعارىلىپ, وڭالتۋ كۋرسىنان ٶتۋدە.
