Almatyda 3 jastaǵy bala magnit bilezik jutyp qoiǵan. Dárigerler shuǵyl ota jasap bógde zatty alyp shyqty, dep habarlaidy "Ult aqparat".
Balalarǵa shuǵyl meditsinalyq kómek kórsetý ortalyǵyna 3 jasar balanyń anasy júgingen.
Rentgenografiia jasaǵan kezde balanyń asqazanynda magnit batareia bary anyqtaldy.
Dárigerler balaǵa shuǵyl ota jasap, asqazanyndaǵy bógde zatty alyp shyqty.
«Magnittik zattardy alǵan kezde bir qiyndyq bar. Magnitter hirýrgiialyq instrýmentterge jabysady. Sondyqtan, endoskopiialyq jolmen, tiliksiz ota jasaý múmkin emes boldy», - dedi Balalarǵa shuǵyl meditsinalyq kómek kórsetý ortalyǵynyń qabyldaý bóliminiń meńgerýshisi Meiirjan Qurmanáliev.
Qazir balanyń densaýlyǵy qalypty. Jaqynda úiine shyǵarylady.
Mamandardyń aitýynsha, karantin kezinde bógde zat jutyp qoiyp keletin balalar sany siregen.
Bul ata-analardyń balasynyń qasynda otyrǵanyn bildirse kerek.
Dárigerler tiyn, shar, metal, monshaq siiaqty zattardy balalardan qashyq ustaý kerektigin eskertti.
