الماتىدا 3 جاستاعى بالا ماگنيت بٸلەزٸك جۇتىپ قويعان. دەرٸگەرلەر شۇعىل وتا جاساپ بٶگدە زاتتى الىپ شىقتى, دەپ حابارلايدى "ۇلت اقپارات".
بالالارعا شۇعىل مەديتسينالىق كٶمەك كٶرسەتۋ ورتالىعىنا 3 جاسار بالانىڭ اناسى جٷگٸنگەن.
رەنتگەنوگرافييا جاساعان كەزدە بالانىڭ اسقازانىندا ماگنيت باتارەيا بارى انىقتالدى.
دەرٸگەرلەر بالاعا شۇعىل وتا جاساپ, اسقازانىنداعى بٶگدە زاتتى الىپ شىقتى.
«ماگنيتتٸك زاتتاردى العان كەزدە بٸر قيىندىق بار. ماگنيتتەر حيرۋرگييالىق ينسترۋمەنتتەرگە جابىسادى. سوندىقتان, ەندوسكوپييالىق جولمەن, تٸلٸكسٸز وتا جاساۋ مٷمكٸن ەمەس بولدى», - دەدٸ بالالارعا شۇعىل مەديتسينالىق كٶمەك كٶرسەتۋ ورتالىعىنىڭ قابىلداۋ بٶلٸمٸنٸڭ مەڭگەرۋشٸسٸ مەيٸرجان قۇرمانەليەۆ.
قازٸر بالانىڭ دەنساۋلىعى قالىپتى. جاقىندا ٷيٸنە شىعارىلادى.
مامانداردىڭ ايتۋىنشا, كارانتين كەزٸندە بٶگدە زات جۇتىپ قويىپ كەلەتٸن بالالار سانى سيرەگەن.
بۇل اتا-انالاردىڭ بالاسىنىڭ قاسىندا وتىرعانىن بٸلدٸرسە كەرەك.
دەرٸگەرلەر تيىن, شار, مەتال, مونشاق سيياقتى زاتتاردى بالالاردان قاشىق ۇستاۋ كەرەكتٸگٸن ەسكەرتتٸ.
