Qostanaida meditsina qyzmetkerin balaǵattap, kúsh qoldanamyn dep qorqytqan 70 jastan asqan zeinetker ákimshilik jaýapkershilikke tartyldy. Bul týraly oblystyq sottyń baspasóz qyzmeti habarlady, dep habarlaidy ult.kz.
Sot málimetinshe, oqiǵa biyl 16 shildede «Bios» meditsinalyq mekemesinde bolǵan. Zeinetker meditsina qyzmetkerine qasaqana qurmetsizdik tanytyp, ony balaǵattap, dene kúshin qoldanatynyn aityp qorqytqan.
Osy derek boiynsha oǵan Ákimshilik quqyq buzýshylyq týraly kodekstiń 80-1-babynyń 2-bóligi boiynsha ákimshilik is qozǵaldy.
Sot aiyptalýshynyń 70 jastan asqanyn, buǵan deiin ákimshilik nemese qylmystyq jaýapkershilikke tartylmaǵanyn eskerdi.
Nátijesinde oǵan 30 ailyq eseptik kórsetkish mólsherinde ákimshilik aiyppul taǵaiyndaldy. Zań talaptaryna sáikes aiyppul kólemi 30 paiyzǵa qysqartylyp, 90 825 teńge bolyp belgilendi.
