Kóptegen adam salmaq joǵaltý óte qiyn dep sanaidy. Bul oi qate áreketterge negizdelgen teris tájiribeniń saldarynan paida bolady. Nýtritsiolog Anna Makarova Instagram-daǵy durys tamaqtaný týraly blogynda salmaq joǵaltýǵa kedergi keltiretin úsh mańyzdy qatelik bar ekenin aitty, dep dep habarlaidy «Habar 24» golos.ua silteme jasap.
Birinshi qatelik – siz tárelkeńizge emes, salmaqqa nazar aýdarasyz. Salmaqty azaitý týraly sheshim qabyldanǵan kezde kóbinese ziiandy ádister qoldanylady: ashyǵý, ash qarynǵa kardio, kómirsýlardan bas tartý jáne t.b. Biraq bul qosymsha salmaqpen soǵys emes. Sizdiń barlyq nazaryńyz dietany qurýǵa baǵyttalýy kerek, mańyzdysy tárelkeńizdegi as mázirinde. Óitkeni salmaq sizdiń turaqty tamaqtanýyńyzdyń saldary bolyp tabylady.
Ekinshi qatelik – siz tamaqsyz múmkindiginshe uzaq júrýge tyrysasyz. Bul sizdi nátijeden alystatatyn eń úlken qatelik. Dieta ustanyńyz, alaida eshbir jaǵdaida tamaqty ótkizip almańyz. Esińizde bolsyn, salmaq joǵaltý kúnine qansha ret jegenińizge bailanysty emes, qansha taǵam jegenińizge bailanysty. Tańǵy as, túski as jáne keshki as mindetti jáne tipti jeńil taǵamdar jeý de mańyzdy.
Úshinshi qatelik – siz jeńil nárse jeýge tyrysasyz. Mysaly, salat deneni barlyq qajetti qorektik zattarmen qamtamasyz ete almaidy. Sizdiń tárelkeńizde árqashan joǵary taǵamdyq qundylyǵy bar jáne qalypty mólsherde tamaq bolýy kerek! Bul - aqýyz ónimderi, kómirsýlar jáne kókónister men jemister.
