Densaýlyq saqtaý ministrligi Aqtóbedegi mektep oqýshylaryn BTsJ vaktsinasymen qaita vaktsinalaý deregi boiynsha qyzmettik tekserýdi bastady, - dep habarlaidy "Ult aqparat" vedomstvonyń baspasóz qyzmetine silteme jasap.
"Qazirgi ýaqytta bul intsident boiynsha quramynda Densaýlyq saqtaý ministrliginiń beiindi Sanitariialyq-epidemiologiialyq baqylaý jáne Meditsinalyq jáne farmatsevtikalyq baqylaý komitetteriniń basshylary, beiindi mamandary bar komissiia quryldy, olar epidemiologiialyq tekserý júrgizip, saraptamalyq qorytyndynyń negizinde bolǵan intsidentke baǵa beredi", - delingen habarlamada.
Sondai-aq, Aqtóbe oblysynyń Densaýlyq saqtaý basqarmasy ata-analarmen túsindirý jumystaryn júrgizip, balalardyń densaýlyq jaǵdaiyna turaqty monitoring jasap jatqany aityldy.
Aita keteiik, 13 qyrkúiekte Aqtóbe qalasynyń №74 jalpy bilim beretin orta mektebinde týberkýlindik diagnostikaǵa jatatyn birinshi synyp oqýshylaryna mantý synamasyn júrgizbei, BTsJ vaktsinasymen qaita vaktsinalaý deregi oryn alǵan.
Mektep boiynsha profilaktikalyq ekpelerdi júrgizý úshin jaýapty oryndaýshylar retinde Aqtóbe qalasyndaǵy jeke klinikanyń («Medikýs ortalyǵy» JShS) dárigeri men meiirgeri taǵaiyndalǵan. Bul meditsina qyzmetkerleri búginde jumystan shettetildi.
