Transfýziologiia ǵylymi-óndiristik ortalyǵynyń direktory Sániia Abdrahmanova Qazaqstanda koronavirýs boiynsha birikken statistikaǵa kóshýge qatysty pikir bildirdi, dep habarlaidy "Ult aqparat".
«Statistikanyń biriktirý sheshimimen kelisemin. Meniń oiymsha, bul durys qadam, sebebi jaz ailarynda pnevmoniiaǵa shaldyqqandar kóp tirkeldi. Mundai patologiia osy merzimge tán emes. Kóp jaǵdaida koronavirýs infektsiiasyna tiesili sipattar baiqalýda. Sondyqtan aýrýdyń eki túrin bir statistikaǵa biriktirý sheshimi durys boldy dep sanaimyn», - deidi S. Abdrahmanova.
Aita keteiik, 2020 jyldyń 1 tamyzynan bastap zerthanada anyqtalǵan COVID-19 ben PTR-test nátijesi taza, biraq koronavirýs infektsiiasynyń klinikalyq jáne epidemiologiialyq belgileri bar pnevmoniiamen birge esepke alynady.
Sonymen qatar Densaýlyq saqtaý ministri Aleksei Tsoi Qazaqstanda koronavirýs infektsiiasyn juqtyrýdyń jaǵdailaryn tirkeý boiynsha jańa statistikasynyń artyqshylyqtaryn atady.
