Qazaqstan profilaktikalyq meditsina akademiiasynyń prezidenti Almaz Sharman turǵyndarǵa immýnitetti qalai kóterýge bolatynyn aitty, dep habarlaidy QazAqparat.
Onyń aitýynsha, KVI jáne taǵy basqa infektsiialardan saqtaný úshin durys tamaqtaný kerek. Ásirese, kókónister men jemis-jidekterdi kóp jeý qajet.
«Qazir kúz mezgili. Jemis-jidek pen kókónisterdiń pisip jatqan ýaqyty. Olardyń densaýlyqqa paidasy orasan zor. Ásirese, alma men júzimdi kóbirek jeńizder. Júzimniń quramynda antioksidant bar. Ol ókpeni dertten qorǵaidy. Sondai-aq, qys mezgilinde keptirilgen nemese tońazytqyshta saqtalǵan jemisterdi jeý adam azǵasy úshin óte paidaly. Ol túrli infektsiialardan qorǵaidy», - deidi Almaz Sharman.
Sonymen qatar, ol D vitaminin alý da mańyzdy ekenin jetkizdi.
«Qazir aýa raiy tamasha. Kún shýaqty bolyp tur. Dalada taza aýada kóbirek serýendeńizder. Kún sáýlesinen D vitaminin alasyzdar. Durys uiyqtaý da mańyzdy. Ol immýnitetti kóteredi. Streske túspeý jaǵyn oilańyzdar. Ol immýnitetti tómendetedi. Sondyqtan jaǵymsyz habarlarǵa kóp mán bermeýge tyrysyńyzdar. Men adamzat balasy koronavirýs pandemiiasyn jeńedi degen úmittemin», - dedi spiker.
