Reseilik dáriger-dietolog, meditsinalyq ǵylymdar doktory, professor Aleksei Kovalkov adam densaýlyǵy úshin asa qaýipti azyq-túlikti atady.
Dáriger ispan ǵalymdary jasaǵan densaýlyqqa qaýipti azyq-túlikter tizimine qatysty óz pikirin bildirdi, dep jazady vm.ru.
Sheteldik mamandar ishetin taǵamyńyzdan tazartylǵan un, shujyq ónimderi, maisyzdandyrylǵan sút ónimderi jáne jartylai daiyn ónimderdi alyp tastaýǵa keńes beredi.
Aleksei Kovalkovtyń paiymynsha, qatyp qalǵan tizim joq. Máselen, shujyqty úide konservantsyz jáne dámdi kúsheitkishterdi qospai ázirleýge bolady, sonda onyń aǵzaǵa ziiany bolmaidy. Sút ónimderiniń de sapaty ártúrli bolady: irimshik palma maiynan bolmasa tabiǵi sútten daiyndalýy múmkin.
Dárigerdiń aitýynsha, búkil adamǵa ziian tek bir ǵana azyq-túlik bar.
"Adamdardy óltiretin bir azyq bar, ol – qant. Qazir adamdar qantty óte kóp jeidi. Biraq bul týraly eshkim aitpaidy, óitkeni bul alyp indýstriia", - dedi ol.
Aleksei Kovalkov sońǵy ýaqytta qant diabetine shaldyǵý jiilep ketkenin atap ótti. Kóp adam artyq salmaq problemasymen arpalysyp júr, baýyry aýyratyndar da az emes.
