Búgin Parlament Senatynyń tóraǵasy Dariǵa Nazarbaeva parlamenttik tilshilermen kezdesti, dep habarlaidy "Ult aqparat".
D. Nazarbaeva Parlament joǵarǵy Palatasynyń ótken jylǵy jumysyn qorytyndylap, aldaǵy josparlar týraly áńgimeledi.
«Qazaqstan Prezidenti Qasym-Jomart Toqaevtyń Parlament aldyna qoiǵan mindetteri oryndaldy, atqarylǵan jumystardyń nátijesin biz maqtan tutamyz ári aldaǵy jyldyń qańtar aiynda depýtattar el aimaqtarynda sailaýshylarmen kezdesýde ol týraly aityp beredi», - dedi Senat tóraǵasy.
Sonymen qatar Dariǵa Nazarbaeva Senattyń bastamasymen jýrnalisterge arnalǵan konkýrstar týraly eske saldy.
«Kelesi jyly Senat pen ekologiialyq jýrnalistika salasyndaǵy materialdar negizinde eń jaqsy jýrnalistik zertteýge konkýrs ótkizý týraly ýádeni umytqan joqpyz. Baiqaý bastaldy, jumystaryńyzdy jiberińizder, zertteý júrgizińizder, shyǵarmashylyq talant pen azamattyq ustanym kórsetińizder. Men bárińizdi belsendi túrde qatysady dep úmittenemin», - dedi Senat Tóraǵasy.
Senat basshysy buqaralyq aqparat quraldarynyń ókilderine birlesken jumysy úshin alǵysyn bildirdi jáne jýrnalisterdiń kásibiligi men jeke qasietterin atap ótip, kele jatqan Jańa jyl merekesimen quttyqtady.
«Sizdiń qajyrly eńbekterińiz, kómekterińiz úshin alǵys aitamyn. Jańa jyl qarsańynda Sizderge zor densaýlyq, baq-bereke, sáttilik pen tabys tileimin. Jańa 2020 jyl qutty bolsyn! Jarqyn mereke barshamyz úshin jaqsylyqtyń bastaýy bolǵai!», - dedi Dariǵa Nazarbaeva.
