Ult portaly Qazaqstan Respýblikasy Parlamenti Senatynyń Tóraǵasy D.Nazarbaevanyń Parlament Senatynyń otyrysynda sóilegen sózin kópshilik nazaryna usynady.
***
Qurmetti depýtattar!
Qazaqstan Respýblikasynyń Prezidenti Qasym-Jomart Kemeluly Toqaev 9 sáýirde merziminen buryn prezidenttik sailaý ótkizý týraly jarlyqqa qol qoidy.
Bul sheshimniń óz ýaqytynda jáne oryndy qabyldanyp otyrǵanyna men senimdimin. Prezident Jarlyǵy qoǵamda týyndap otyrǵan kóptegen suraqtarǵa jaýap beredi. Qazaqstandyqtar úshin eń qymbat qundylyq – beibitshilik pen tynyshtyq, ekonomikalyq turaqtylyq asa qajet.
Mine, sondyqtan Qazaqstan qoǵamy Elbasynyń strategiialyq baǵytynyń sabaqtastyǵyn zańdy túrde qamtamasyz etilýin kútýde.
Táýelsizdik jyldary qazaqstandyq damý modeli óziniń ómirsheńdigi men tiimdiligin bárimizge tolyq dáleldegeni anyq.
Biz barsha álemge ekonomikalyq ósýdiń, áleýmettik turaqtylyqtyń jáne ultaralyq kelisimniń ainymas úlgisin keńinen tanyta bildik.
Aldaǵy sailaý bizdiń halqymyzdyń danalyǵy men kóregendigin taǵy da dáleldeitini aiqyn. Prezidenttik sailaý el damýyna tyń serpilis, jańa serpin beretini sózsiz.
Prezident jarlyǵy osy baǵyttaǵy jumystardy qazirden bastap, kúrdeli problemalardy keiinge qaldyrmai, shuǵyl sheshýge múmkindik beredi.
Qurmetti áriptester!
Konstitýtsiialyq zańǵa sáikes sailaý eki ai merzim ishinde ótkizilýi tiis. Sailaý naýqanyn Qazaqstan Respýblikasynyń zańdaryna sáikes ótkizýge kómektesý bizdiń abyroily mindetimiz. Bul oraida Qazaqstan Respýblikasy Parlamenti Senaty depýtattarynyń orny erekshe. Sizderdiń jergilikti halyqpen jáne máslihat depýtattarymen tyǵyz bailanystaryńyz bar. Halyqtyń múddesin qorǵaisyzdar. Problemalaryn bilesizder. Sondyqtan sailaý naýqany árqaisymyz úshin asa jaýapty jumystar kezeńi bolyp sanalady.
Qurmetti depýtattar!
Azamattardyń óz erkin ashyq bildirýi táýelsiz Qazaqstannyń úlken jeńisteriniń biri. Bizdiń ortaq mindetimiz – Qazaqstan Respýblikasy Prezidenti sailaýyn ádil, zańdy jáne ashyq ótkizýdi qamtamasyz etý bolyp tabylady.
2019 jylǵy 11 sáýir
