Qazaqstan Respýblikasy Parlamenti Senatynyń Halyqaralyq qatynastar, qorǵanys jáne qaýipsizdik komitetiniń Tóraiymy Dariǵa Nazarbaeva QR Syrtqy ister ministrligi qyzmetiniń máseleleri boiynsha Qoǵamdyq keńestiń jańa tóraiymy bolyp sailandy, dep habarlaidy "Ult aqparat" Syrtqy ister ministrliginiń baspasóz qyzmetine silteme jasap.
Keńestiń kezekti otyrysy 15 qarashada SIM-de ótti. D. Nazarbaeva osy laýazymda Parlament Senatynyń depýtaty Birǵanym Áitimovany aýystyryp, B.Áitimovaǵa Keńesti basqara otyryp atqarǵan jumysy úshin alǵys bildirildi.
Óziniń kirispe sózinde D. Nazarbaeva osy saladaǵy zamanaýi talaptar men jahandyq trendterge jaýap beretin syrtqy saiasi vedomstvo men azamattyq qoǵamnyń tikelei bailanysyn qamtamasyz etý Qoǵamdyq keńestiń basty mindeti bolyp qalatynyn atap ótti.
Kún tártibine sáikes, Syrtqy ister ministri Qairat Ábdirahmanov BUU Bas Assambleiasynyń 72-shi sessiiasyna qazaqstandyq delegatsiianyń qatysý nátijelerin, sondai-aq Qazaqstannyń BUU Qaýipsizdik Keńesindegi músheligi basymdyqtary jóninde tolyq baiandap berdi.
Ministrlik beibitshilik pen qaýipsizdikti qoldaý jónindegi jahandyq uiymdaǵy óziniń qyzmetinde osy jyldyń qańtar aiynda BUU QK-niń ashyq pikirtalastarynda aitylǵan Prezident N.Á.Nazarbaevtyń «Qaýipsiz, ádil jáne gúldengen álem qurý úshin jahandyq áriptestikti nyǵaitýǵa qazaqstandyq tujyrymdamalyq kózqarasy» atty arnaiy saiasi úndeýiniń negizgi qaǵidalaryn basshylyqqa alady.
«Qazaqstan óziniń Qaýipsizdik Keńesindegi músheligin, ulttyq múddelerimizdi ilgeriletý úshin, eń bastysy, BUU tarihynda Qaýipsizdik Keńesinde tuńǵysh ret usynylyp otyrǵan Ortalyq Aziiada turaqtylyq pen qaýipsizdikti nyǵaitý úshin paidalanýda», - dep habarlady Q.Ábdirahmanov.
Vedomstvo basshysy basty taqyryptary Ortalyq Aziia jáne Aýǵanstan boiynsha qarardy ilgeriletý, sondai-aq terrorizmge qarsy is-qimyl máseleleri bolyp tabylatyn 2018 jyldyń qańtardaǵy BUU QK-degi Qazaqstan tóraǵalyǵyna daiyndyǵy týraly habarlady.
Sonymen qatar, otyrys barysynda Keńestiń basty baǵyttary boiynsha jumys nátijeleri týraly esepter tyńdaldy. Atap aitqanda, «Qazaqstannyń Internet Qaýymdastyǵy» ZTB Prezidenti Shavkat Sabirov óziniń sózinde Qoǵamdyq keńes jumysynyń aqparattyq-imidjdik baǵyty boiynsha nátijelerin baiandap berdi.
SIM Syrtqy saiasi taldaý men boljamdaý departamentiniń direktory Álim Qirabaev jáne QR Prezidenti janyndaǵy Qazaqstandyq strategiialyq zertteýler institýtynyń direktory Zarema Shaýkenova jumystyń taldamalyq-saraptaý jaǵyn iske asyrý nátijeleri boiynsha baiandady. Qazaqstan Respýblikasynyń 2014-2020 jyldarǵa arnalǵan Syrtqy saiasi tujyrymdamasynyń qoldanylý merzimi 2019 jyly aiaqtalatyny aityldy. Osyǵan bailanysty QR SIM men QSZI saraptama qoǵamdastyqpen birge syrtqy saiasattyń jańa Tujyrymdamasyn jasaýǵa kiristi. Otyrys qatysýshylarynyń ortaq pikirinshe, halyqaralyq úderisterdiń buryn bolmaǵan týrbýlenttiligi men joǵary serpinine bailanysty qujattyń jańa redaktsiiasynda qazaqstandyq syrtqy saiasatynyń keibir baǵyttarynyń beiimdelýi talap etiledi. Qujattyń mazmunyn sapaly tekseristen ótkizilgeni, al negizgi tarmaqtary jáne taraýlary basty álemdik jáne aimaqtyq trendterine sáikes bolýy tiis.
«Qazaqstandyq diplomattardyń birlestigi» RQB múshesi Bolat Nurǵaliev «Syrtqy saiasi qyzmetindegi shyǵyndarynyń únemdeý rezervteri týraly» taqyrybyna baiandama jasady. Is-shara barysynda, «QAZGZÝ Ýniversiteti» AQ-nyń Halyqaralyq quqyq ortalyǵynyń qyzmetkeri men oqytýshysy Liliia Ispenbetova «Halyqaralyq quqyq ortalyǵy men Qoǵamdyq keńesi yntymaqtastyǵynyń negizgi baǵyttaryn iske asyrý» taqyrybyna baiandamasyn usyndy. Atalǵan ózara is-qimyl ú.j. qańtardaǵy sońǵy otyrys barysynda qol qoiylǵan QR SIM jáne «KAZGIýÝ ýniversiteti» AQ arasyndaǵy yntymaqtastyq týraly memorandýmyn iske asyrý sheńberinde júrgiziledi.
Biyl 25-jyldyǵy atap ótiletin Qazaqstan Respýblikasy diplomatiialyq qyzmetiniń nyǵaitýy men damýyna qosqan úlesi úshin D.Nazarbaevaǵa tiisti mereitoilyq medal tabys etildi.
Qoǵamdyq keńestiń QR SIM qyzmetiniń máseleleri jónindegi kezekti otyrysy 2018 jyldyń kóktemine josparlandy.
