Parlament Senaty Halyqaralyq qatynastar, qorǵanys pen qaýipsizdik komitetiniń tóraǵasy Dariǵa Nazarbaeva bastaǵan komitet depýtattary Qazaqstan Respýblikasynyń Tuńǵysh Prezidenti – Elbasy atyndaǵy Ulttyq qorǵanys ýniversitetine bardy.
Senatorlar bilim sapasyn arttyrýǵa qatysty birqatar máselelerdi kóterdi, sondai-aq óz usynystaryn da aitty. Atap aitqanda, D.Nazarbaeva aqyly negizde Ulttyq qorǵanys ýniversitetinde sheteldik stýdentterdi oqytý múmkindigin qarastyrýdy, sondai-aq áskeri qyzmetti nasihattaityn mamandandyrylǵan áskeri telearna qurýdy usyndy.
Naqty ýaqytta grafikalyq, mátindik, mýltimediialyq aqparatpen almasý arqyly jumys kartasyn júrgizetin ári áskeri quramalar bólimderdi basqarý jónindegi sheshim qabyldaityn oqytýdyń jańa úlgileri men ádisterin engizý júrgizilip jatqan oqý zerthanalary senatorlardyń nazaryna usynyldy. Odan basqa, depýtattar qarý-jaraq pen áskeri tehnika ázirleý jáne ony otandyq áskeri-ónerkásip kesheniniń qýatymen keleshekte jasaý múmkindikteri eskeriletin ýniversitettiń kitaphana qoryn jáne áskeri ǵylymi-zertteý ortalyǵyn kórdi.
Áskeri ǵylymnyń keleshegi zor zertteýlerimen tanysyp, ýniversitettiń ǵalymdary jáne doktoranttarymen kezdesken Parlament Senaty Halyqaralyq qatynastar, qorǵanys pen qaýipsizdik komitetiniń tóraǵasy D. Nazarbaeva qurmetti qonaqtar kitabyna qoltańba qaldyrdy.
.jpeg)