Parlament Senatynyń depýtaty Dariǵa Nazarbaev Almatydaǵy Fýrmanov kóshesiniń ataýyn aýystyrýǵa qatysty pikir bildirdi, - dep habarlaidy Tengrinews.kz.
"Bul jaily ózim de qazir ǵana bildim. Obektivti jáne sýbektivti túrli sebepter boiynsha bul suraqqa sýbektivti jaýap berý qiyn. Biraq elimniń azamaty retinde, elimdi súietin adam retinde, Táýelsizdigimizdiń 25 jyl boiyndaǵy jetistikterimizge qýanatyn adam retinde bul sheshimdi durys dep esepteimin jáne bizdiń kóshbasshy elimizdiń beibit ári tynyshtyqta ómir súrip jatqany úshin osyndai joǵary qurmetke laiyq", - dedi Dariǵa Nazarbaeva Senat úzilisinde.
"Sonymen qatar, Prezidentimiz iri masshtabtaǵy adam ekenin bilemiz, iadroǵa qarsy jáne halyqaralyq terrorizmmen kúres boiynsha qandai iri bastamalary bar ekenin bilemmiz", - deidi ol.
Dariǵa Nazarbaeva Qazaqstannyń álemde iadro qarýynan birinshi bolyp bas tartqan el bolǵanyn eske saldy.
"Búginde biz Astananyń qaqtyǵysýshy taraptardyń kezdesýine senimdi alańy bolyp otyrǵanyna kýámiz. Sonda biz halyqaralyq jáne óńirlik qaqtyǵystardy retteýge belsendi aralasyp jatyrmyz. Sondyqtan osynyń bárin árjaqty sarapai kele, ádil baǵasyn bersek, Memleket basshysy joǵary qurmetke laiyq. Ol tarihtyń adamy", - dedi senator.
Al jýrnalisterdiń Nazarbaev buryn mundai bastamalarǵa qarsy bolǵany jaily suraǵyna senator bul bastamanyń "tómennen" aitylǵan bolýy múmkin ekenin aityp, jaýap berdi. "Bul jaǵdaida men ózimniń de qazir ǵana bul týraly bilip otyrǵanymdy aita keteiik. Bul tómennen aitylǵan bastama bolýy kerek", - dedi ol.
Eske salaiyq, búgin, 30 qarashada Almatydaǵy Fýrmanov kóshesi Nazarbaev dańǵyly bolyp ózgerdi.
.jpeg)