Qazirgi qiyn jaǵdaida dári-dármekti qymbattatyp, paida tabamyn degenderge túbinde jaqsylyq bolmaidy. Bul týraly QR Premer-Ministriniń orynbasary Eraly Toǵjanov aitty, dep habarlaidy QazAqparat.
«Bul - ońai másele emes. Osyndai kúrdeli kezeńde azamattardyń qiyn jaǵdaiǵa dýshar bolǵanyn paidalanyp, paida tabamyn degenderge túbinde jaqsylyq bolmaidy. Sondyqtan munyń bárin eskerý qajet. Bul is Prezidenttiń erekshe qadaǵalaýynda. Ótkende sizderden ótingenmin, ár azamat osyndai jaǵdaiǵa tap bolsa, tikelei habarlasýǵa múmkindigi bar. Arnaiy komissiia jumys istep jatyr. Ózime de tikelei habarlasýǵa bolady. Sondyqtan jumys isteý úshin jumylǵan judyryqtai birigý kerek. Búkil el qoldap, habar berip otyrsańyzdar, ondai adamdardy tez anyqtaýǵa múmkindik bar. Sondyqtan sizderden barlyq aqparatty elge shyǵaryp, bizge berip otyrýlaryńyzdy suraimyz», - dedi Eraly Toǵjanov Ortalyq kommýnikatsiialar qyzmetindegi brifing barysynda.
Aita keteiik, BAQ ókilderi vitse-premerden dári-dármek alypsatarlarynyń jolyna tosqaýyl qoiý jumysy qalai júrgiziletinin suraǵan edi.
