Foto: instagram.com/yeleussinovdaniyar
Jelide qazaqstandyq kásipqoi boksshy Daniiar Eleýsinovtiń áielimen túsken sýreti talqyǵa tústi, - dep habarlaidy Tengrinews.kz.
Eleýsinov jarymen túsken sýretin Instagram-paraqshasynda jariialaǵan. Onda boksshynyń jary nikab (musylman áielderdiń bas kiimi, onda beti tolyq jabylyp, tek kózi ashyq qalady - avt.) kigen.
Jeli qoldanýshylary boksshynyń jarynyń bul kiimine qatysty túrli pikir bildirip jatyr. Onda pikirler qaq jarylǵan:
"Jamylady degenge qatty jamylyp ketken emes pe?", "Óz áieli ǵoi, ózi biledi", "Bul ata-babalarymyzdyń áielderinde bolmaǵan kiim eken", "Bul - musylmannyń kiimi", "Jetpegeni osy edi".
Keiin boksshynyń ózi oqyrmandaryna jaýap bergen. Bul Saýd Arabiiasynda túsirilgen sýret ekenin aitty.
"Ei, halaiyq, mende ne sharýalaryń bar? Óz ómirleriń keremet bolsa, mynda jazbas edińizder… Bul Saýdide túsken sýret. Munda bylai júrýge bolady… Áielim nikab taqpaidy, negizi bul jerde maskanyń ornyna taqqan… Sáýkele, kimeshek pen taqiia kigenderge... Batystyń kiimin kúnde kiip júrgenderińizdi umytpańyzdar… Bir ret arabtikin kigende kórip qalady ekensizder", - dep jazdy Daniiar Eleýsinov.
Eske salaiyq, Daniiar Eleýsinov keiingi jekpe-jegin byltyr jeltoqsanda ótkizip, argentinalyq Hýan Ernan Lealdi tóreshiler sheshimimen jeńgen bolatyn. Bul kezdesýden soń Eleýsinov jartylai orta salmaqta IBO tujyrymy boiynsha álem chempiony atanǵan edi.
