فوتو: instagram.com/yeleussinovdaniyar
جەلٸدە قازاقستاندىق كەسٸپقوي بوكسشى دانييار ەلەۋسٸنوۆتٸڭ ەيەلٸمەن تٷسكەن سۋرەتٸ تالقىعا تٷستٸ, - دەپ حابارلايدى Tengrinews.kz.
ەلەۋسٸنوۆ جارىمەن تٷسكەن سۋرەتٸن Instagram-پاراقشاسىندا جارييالاعان. وندا بوكسشىنىڭ جارى نيكاب (مۇسىلمان ەيەلدەردٸڭ باس كيٸمٸ, وندا بەتٸ تولىق جابىلىپ, تەك كٶزٸ اشىق قالادى - اۆت.) كيگەن.
جەلٸ قولدانۋشىلارى بوكسشىنىڭ جارىنىڭ بۇل كيٸمٸنە قاتىستى تٷرلٸ پٸكٸر بٸلدٸرٸپ جاتىر. وندا پٸكٸرلەر قاق جارىلعان:
"جامىلادى دەگەنگە قاتتى جامىلىپ كەتكەن ەمەس پە?", "ٶز ەيەلٸ عوي, ٶزٸ بٸلەدٸ", "بۇل اتا-بابالارىمىزدىڭ ەيەلدەرٸندە بولماعان كيٸم ەكەن", "بۇل - مۇسىلماننىڭ كيٸمٸ", "جەتپەگەنٸ وسى ەدٸ".
كەيٸن بوكسشىنىڭ ٶزٸ وقىرماندارىنا جاۋاپ بەرگەن. بۇل ساۋد ارابيياسىندا تٷسٸرٸلگەن سۋرەت ەكەنٸن ايتتى.
"ەي, حالايىق, مەندە نە شارۋالارىڭ بار? ٶز ٶمٸرلەرٸڭ كەرەمەت بولسا, مىندا جازباس ەدٸڭٸزدەر… بۇل ساۋديدە تٷسكەن سۋرەت. مۇندا بىلاي جٷرۋگە بولادى… ەيەلٸم نيكاب تاقپايدى, نەگٸزٸ بۇل جەردە ماسكانىڭ ورنىنا تاققان… سەۋكەلە, كيمەشەك پەن تاقييا كيگەندەرگە... باتىستىڭ كيٸمٸن كٷندە كيٸپ جٷرگەندەرٸڭٸزدٸ ۇمىتپاڭىزدار… بٸر رەت ارابتٸكٸن كيگەندە كٶرٸپ قالادى ەكەنسٸزدەر", - دەپ جازدى دانييار ەلەۋسٸنوۆ.
ەسكە سالايىق, دانييار ەلەۋسٸنوۆ كەيٸنگٸ جەكپە-جەگٸن بىلتىر جەلتوقساندا ٶتكٸزٸپ, ارگەنتينالىق حۋان ەرنان لەالدٸ تٶرەشٸلەر شەشٸمٸمەن جەڭگەن بولاتىن. بۇل كەزدەسۋدەن سوڭ ەلەۋسٸنوۆ جارتىلاي ورتا سالماقتا IBO تۇجىرىمى بويىنشا ەلەم چەمپيونى اتانعان ەدٸ.
