Qazaqstandyq kásipqoi boksshy, Rio-de-Janeiro Olimpiadasynyń chempiony Daniiar Eleýsinov (3-0, 1KO) kelesi jekpe-jegin amerikalyq Mett Dogertige (8-5-1, 4KO) qarsy ótkizedi. Bul týraly VKontakte áleýmettik jelisinde «Qazaqstan kásipqoi boksy» akkaýntynda jazyldy, dep habarlaidy QazAqparat.
Eleýsinovtiń aldaǵy kezdesýi 20 qazan kúni Amerikanyń Boston qalasynda ótedi. Boksshynyń menedjeri Ziia Álievtiń aitýynsha, oǵan 30 jastaǵy amerikalyq boksshy, «Dáýit» atalǵan Mett Dogerti qarsylas bolady. Keshtiń basty aiqasy Billi Djo Sonders pen Demetriýs Endreid arasynda ótedi. Alaida, qyrkúiek aiynyń sońynda doping-synamalardyń birinde Sondersten oksilofrin tabylǵan edi. Is boiynsha otyrys Massachýsets shtatynyń Atletika komissiiasynda ótýi tiis.
Eske salaiyq, Daniiar Eleýsinov biylǵy 4 tamyzda ótken jekpe-jekte vengriialyq Gabor Gorbichti upai sany boiynsha aiqyn basymdyqpen jeńgen bolatyn. Bul jeńisten keiin qazaqstandyq boksshynyń BoxRec.com tanymal saityndaǵy reitingi birden 75 satyǵa joǵarylady.
