قازاقستاندىق كەسٸپقوي بوكسشى, ريو-دە-جانەيرو وليمپياداسىنىڭ چەمپيونى دانييار ەلەۋسٸنوۆ (3-0, 1كو) كەلەسٸ جەكپە-جەگٸن امەريكالىق مەتت دوگەرتيگە (8-5-1, 4كو) قارسى ٶتكٸزەدٸ. بۇل تۋرالى ۆكونتاكتە ەلەۋمەتتٸك جەلٸسٸندە «قازاقستان كەسٸپقوي بوكسى» اككاۋنتىندا جازىلدى, دەپ حابارلايدى قازاقپارات.
ەلەۋسٸنوۆتٸڭ الداعى كەزدەسۋٸ 20 قازان كٷنٸ امەريكانىڭ بوستون قالاسىندا ٶتەدٸ. بوكسشىنىڭ مەنەدجەرٸ زييا ەليەۆتٸڭ ايتۋىنشا, وعان 30 جاستاعى امەريكالىق بوكسشى, «دەۋٸت» اتالعان مەتت دوگەرتي قارسىلاس بولادى. كەشتٸڭ باستى ايقاسى بيللي دجو سوندەرس پەن دەمەتريۋس ەندرەيد اراسىندا ٶتەدٸ. الايدا, قىركٷيەك ايىنىڭ سوڭىندا دوپينگ-سىنامالاردىڭ بٸرٸندە سوندەرستەن وكسيلوفرين تابىلعان ەدٸ. ٸس بويىنشا وتىرىس ماسساچۋسەتس شتاتىنىڭ اتلەتيكا كوميسسيياسىندا ٶتۋٸ تيٸس.
ەسكە سالايىق, دانييار ەلەۋسٸنوۆ بيىلعى 4 تامىزدا ٶتكەن جەكپە-جەكتە ۆەنگرييالىق گابور گوربيچتٸ ۇپاي سانى بويىنشا ايقىن باسىمدىقپەن جەڭگەن بولاتىن. بۇل جەڭٸستەن كەيٸن قازاقستاندىق بوكسشىنىڭ BoxRec.com تانىمال سايتىنداعى رەيتينگٸ بٸردەن 75 ساتىعا جوعارىلادى.
