Qazaqstandyq boksshy Daniiar Eleýsinovtyń (10-0, 6 KO) promoýteri Eddi Hirn klientiniń qashan ringke oralatynyn aityp berdi, dep habarlaidy Sports.kz.
«Daniiar osyǵan deiingi jekpe-jeginde Indongomen jaqsy aiqasyp, jeńiske jetti. Ol daiyn (úlken jekpe-jekterge). Bul jigit 147 fýntta shyǵyp júrgen kez kelgen boksshy úshin úlken máselege ainalady. Qazirdiń ózinde úlken qadamdar jasap jatqanyn ózderińiz de kórip tursyzdar. Ol sáýirde ringke oralady», - dedi Hirn.
Ázirge Eleýsinovtyń qarsylasy belgisiz.
Eske sala ketsek, qarashada Daniiar ekinshi raýndta namibiialyq boksshy Djýliýs Indongony (23-3, 12 KO) nokaýtqa túsirip, IBF Inter-Continental nusqasy boiynsha jartylai orta salmaqtaǵy álem chempiony ataǵyn jeńip aldy.
