Daniiar Talǵatuly Aqyshev QR Prezidentiniń keńesshisi qyzmetine taǵaiyndaldy, dep habarlaidy Aqordanyń baspasóz qyzmeti.
Daniiar Aqyshev 1976 jylǵy 25 mamyrda Almaty qalasynda dúniege keldi. Ol eńbek jolyn Ortalyq Aziia qor birjasynda maman retinde bastaǵan.
1996 – 2003 jyldar aralyǵyndaǵy kezeńde Ulttyq banktiń zertteý jáne statistika departamentinde túrli laýazymdar atqardy, 2003 – 2007 jyldary atalǵan departamentti basqardy.
2007 jylǵy tamyzda Qazaqstan prezidentiniń ókimimen QR Ulttyq banki tóraǵasynyń orynbasary laýazymyna taǵaiyndaldy.
2014 - 2015 jyldary QR prezidenti ákimshiliginiń áleýmettik-ekonomikalyq monitoring bóliminiń meńgerýshisi laýazymyn, sondai-aq prezident kómekshisiniń mindetterin ýaqytsha atqardy.
2015 jyldyń 2 qarashasynda Daniiar Aqyshev Qazaqstan Respýblikasy Ulttyq bankiniń tóraǵasy bolyp taǵaiyndaldy.
Al, osy jyldyń 25 aqpanynda otstavkaǵa ketken bolatyn. Onyń ornyna premer-ministrdiń orynbasary Erbolat Dosaev keldi.
