Bas bankir Daniiar Aqyshev búgin BJZQ investitsiialaryna qatysty óz pikirin bildirdi, dedi QazAqparat tilshisi.
Daniiar Aqyshev aitqandai, Ázirbaijan bankindegi problema 2015 jyldan bastaldy. 2016 jyldan bastap UB Ázirbaijan úkimetine, Ázirbaijan bankine talap qoia bastady.
«Biraq olar merziminen buryn qaryzdy qaitarýǵa kelispedi. Mámileniń mán-jaiyna qatysty kóp suraq jaýapsyz bolyp otyr. UB isti quqyq qorǵaý organdaryna beredi», - dedi D.Aqyshev.
Onyń sózinshe, 2014 jyldyń qazan aiynda buryn qabyldanǵan sheshimder negizinde 250 mln dollar investitsiialanǵan.
«Sheshimdi BJZQ emes sol kezde Ulttyq bankte qyzmet etkender qabyldady. Londonda ótken otyrysta qaryzdy qaita qurylymdaýdyń 3 tásili aityldy. Birinshiden, BJZQ aktivterin Ázirbaijan memlekettik qundy qaǵazdary túrinde 200 mln dollarǵa 5 paiyzben aiyrbastaý, ekinshiden 250 mln dollardy 15 jylǵa 3 paiyzben, nemese 7 jylǵa 3,5 paiyzben. Úsheýi de shyǵynǵa batyrady», - dedi ol.
Bas bankir Ulttyq banktiń barynsha aqshany az shyǵynmen qaitarýǵa tyrysyp jatqanyn aitty.
«Zeinetaqy aktivterin investitsiialaý týraly sheshimdi arnaiy keńesti basqarǵan Ulttyq bank tóraǵasy qabyldaǵan. 2014 jyldyń sáýirinde tujyrymdama men quraldar tizimi shyqty. Deklaratsiia shyqqan soń investitsiia kólemi de anyqtaldy. 2016 jyldan bastap basty fýnktsiialar qordy basqarý keńesine berildi. Ony memleket basshysy basqarady. Ulttyq bank qazir sheshim qabyldamaidy, ol alqa keńesiniń negizinde áreket etedi», - dedi ol.
